Ақтау қаласында Range Rover автомашинасының ішінен ер кісінің мәйіті табылды. Бұл туралы құқық қорғау органдарының дерегіне сүйенген Lada.kz хабарлады.
Оқиға 8 наурыз күні орын алған. Қаладағы 10-шағын ауданның №2 үйі жанында тұрған Range Rover автокөлігінің кабинасынан Ақтаудағы 9-шағын ауданның 35 жастағы тұрғынының өлі денесі шыққан.
Қайтыс болған жігіттің денесінен көзге көрінетін жарақаттар байқалмаған. Аталмыш фактіге байланысты сот-медициналық сараптамасы белгіленді.
Облыстық ауруханада жас жігіттің өліп кетуіне есірткіні шамадан тыс пайдалану себеп болған деген болжам айтылып жатыр.
Хамит Мұстафа.
