2017 жылдың 19 қаңтарында Ауғанстанның Сари-Пуль провинциясында ұсталған содыр Атырау облысының тумасы екені анықталды деп хабарлайды tengrinews.kz. Мұның алдында ҚР Сыртқы істер министрлігі оны Қазақстанның сұрауы бойынша Интерполдың іздестіргенін хабарлаған еді.

"Жергілікті құқық қорғау органдары терроризм бойынша күдікті Қазақстан азаматын ұстады. Зналиев Дамир Амангелдіұлы 1989 жылы Атырау облысында дүниеге келген", -  дейді СІМ баспасөз қызметінің жетекшісі Әнуар Жайнақов.

Мұның алдында Ауғанстанның солтүстігінде екі содырдың ұсталғаны хабарланған. БАҚ ақпараты бойынша, олар Қазақстан мен Өзбекстан тумалары. Содырлардың аты-жөні Демир Зенлийов және Абдул Матин деп айтылған. Оларды ұстау кезінде ауғанстандық төрт тәліп мерт болған. Тағы бір ауғанстандық жараланып, қазір қамауда жатыр.