Түркістандық Нәзира Рүстембаеваның ғажайып тағдыры күллі дүние жүзі ғалымдарын аяғынан тік тұрғызды. Тіпті, мамандар 4 жасында ұйқыға кеткен қазақ қызының 20 жасында оянуын әлі күнге дейін түсіне алмай келеді. Ташкенттің ғылыми зерттеу орталығында 16 жыл бойы арнайы түтікшемен тамақтанған Нәзира ұйқыда жатқандағы сезімін қазақ еліне енді жеткізген, деп хабарлады информбюро жаңалықтар қызметі.

Алғашында Нәзираны басынан күн өтті деген диагнозбен ауруханаға жатқызады. Бірнеше күн бойы есін жимаған соң 4-жасар бүлдіршінді өлдіге санап, ата-анасы жер қойнына тапсырады. Жерлеу рәсімінің ертеңінде атасы түсінде немересінің тірі екенін жеткізген аян алғанын айтады. Алайда, қабірден қазып алынған қыздың оянуы қиынға соққан.

Ұйқыда жатқандағы сезімін Нәзира баяндап берді:

«Мен ұйықтап жатқан кезде кәдімгідей түс көретінмін. Үнемі ұйықтап жатқан қыздың бейнесі көз алдыма елестейтін. Сол кезде сол жанның өзім екенін де сездім. Өрік-алма ағаштарының көбейген кездегі иісі мұрныма келетін».