10 қазанда аталып өтілетін Дүниежүзілік өлім жазасына қарсы күні қарсаңында жолдаған видеоүндеуінде БҰҰ Бас хатшысы Пан Ги Мун барлық мемлекеттерді өлім жазасынан бас тартуға немесе өлім жазасының орындалуына мораторий енгізуге шақырды. Бұл туралы ҚазАқпарат хабарлады.
Пан Ги Мун 7 жыл бұрын БҰҰ Бас Ассамблеясы өлім жазасына мораторий енгізу тәжірибесін кеңейту резолюциясын қабылдағаннан кейін бірқатар мемлекет мұндай жаза қылмыс деңгейінің төмендеуіне әкелмейтінін мойындағанын атап өткен. БҰҰ Бас хатшысы биыл 15 желтоқсанда 25 жылдығы (1989 жылдан бері) тойланатын Факультативті хаттаманы ратификацияламаған мемлекеттерді бұл істі тездетуге шақырды.
Қамшы-ақпарат
