Америка Мемлекеттік хатшысының Орталық Азия мен Азияның оңтүстігі істері жөніндегі орынбасары Ричард Хогланд дүйсенбі күні Қазақстанның басқаласы Астанада: «Вашингтон америкалық күштерді Ауғанстаннан шығарған соң, Орталық Азияда әскери базалар құруға өтініш жасамайды» деді. Бұл туралы Иран қазақ радиосы хабарлады.
Хогланд америкалық күштердің басым бөлігінің 2014 жылдың соңына дейін Ауғанстаннан шығарылатынына тоқталғаннан кейін: «Вашингтон аймақта база құруды қаламайды» деді.
АҚШ-тың бұдан бұрын Қырғызстанда әскери базасы болған болатын. Ауғанстандағы жағдай тұрақталған соң олардың әскері Манастан шықты. Ал, осы аптаның басында АҚШ әскери күштері Ауғанстаннан түгелдей қайтарылды. АҚШ-тың әскери базасы Қазақстанда да орын алуы мүмкін екені туралы әңгімелер бұған дейін қозғалып жүрген. Алайда Ресей бұл мәселеге теріс позиция ұстанып келген еді.
Қамшы-ақпарат
