Астана велокомандасы 2015 жылғы Әлемдік турнирлерге қатысуға лицензиясын қайтарып алды.
Ұзақ уақытқа созылған даудың басы UCI-дің ( Халықаралық велосипедшілер қауымдастығы) аталмыш команданың спортшыларын допинг қолданды деген айыптауынан басталды. Осы қауымдастықтың президенті Брайан Куксон лицензия қайтарлығанымен «Астана» велокомандасына арнайы тексеріс ұйымдастыратынын да жеткізді. UCI – дің алдындағы хабарында «Астана» велокомандасының алдағы жылғы маусымдарға қатысуына шектеу қойылады деп мәлімдеген. Бірақ, «Астана» велокомандасы баспасөз қызметі бұл ақпаратты жоққа шығарған болатын.
