Санкт-Петерборда ауланың бірінде пайда болған көк түсті қардың себебі анықталып жатыр. Бұл туралы РИА Новости порталы хабарлады, деп жазады деп жазады Qamshy.kz ақпарат агенттігі.
Үйлердің айналасында көк түсті қар жатыр. Мамандар қардың не себепті өзге түске боялғанын анықтауда.
Аптекарьск даңғылының адам жүретін жолындағы қар көк түске боялғанын көрген тұрғындар арнайы мамандарды бірден хабардар еткен. Ведомствода ерекше құбылыстың салдарын жақын уақытта анықтауға уәде берді.
Тұрғындар қарды №1 Химико-фармацевтикалық зауыт маңынан соққан жел әкелді деген болжамдар айтады.
