39 жастағы Самат Смақов Жаңа жылдан кейін алаңға шықпайтынын мәлімдеуі мүмкін, деп жазады Qamshy.kz ақпарат агенттігі. 

Қазақстанның үздік футболшысы карьерасын тоқтатпақ ойда. Оның себебі – қандай да бір жарақат немесе физикалық күй емес, басқарушы қызметтерден ұсыныс түскен. 

«Әзірге дөп басып ештеңе айтпағаным жөн. Жаңа жылдан кейін хабарласыңыздар, сол кезде бәрі анықталады», - деп қысқа қайырды танымал футболшы.

Самат Смақов:

Қазақстанның ең үздік ойыншысы: 2003, 2004, 2005, 2007, 2008, 2009;

Қазақстан Футбол Федерациясының версиясы бойынша 3 дүркін Қазақстанның ең үздік ойыншысы (2004, 2007, 2008);

«GOAL» газетінің версиясы бойынша 3 дүркін Қазақстанның ең үздік ойыншысы (2004, 2007, 2008);

«PRO СПОРТ Казахстан» газетінің версиясы бойынша 2 дүркін Қазақстанның ең үздік ойыншысы (2007, 2008);

«Караван» газетінің версиясы бойынша Қазақстанның ең үздік ойыншысы (2007);

Қазақстан чемпионы: 1998, 1999, 2004, 2007, 2008, 2009;

Қазақстанның күміс жүлдегері: 2003;

Қазақстанның қола жүлдегері: 2002, 2005, 2014;

Қазақстан Кубогының иегері: 2002, 2008, 2014;

Қазақстан Кубогының финалисті: 2004, 2005;

Қазақстан Супер Кубогының иегері: 2008, 2010;

Достастық Кубогының қола жүлдегері: 2009, 2010;

Қазақстанның спорт шебері.