Алматыда «ҚазТрансГаз Аймақ» АҚ  Алматы өндірістік филиалының тапсы­рысымен Алтынсарин көшесі бойымен өтетін «Орта қысымдағы жерасты газ құбырын жаңарту» жобасын қолға  алды. Жандосов көшесінен басталатын газ құбырының жалпы ұзындығы – 2,8 шақырым. Жаңа  газ құбыры алматылықтарды  газбен тұрақты  әрі үздіксіз қамтамасыз етпек. Жоба бойынша қайта жасау жұмыстары Алтын­сарин көшесі бойымен Жандосов көшесінен  Жұбанов  көшесіне дейін солға қарай жолдың батыс жағын қамтиды. Атқарыла­тын жұмыс ені  – 5 метр.

Жаңарту жұмыстарын биылғы жылдың 16 шілдесінде аяқтау жоспарланған.

Айта кету керек, Алтынсарин көшесі­нің кейбір учаскелерінде жөндеу жұмыс­тары жүретіндіктен, оңтүстік бағытта (батыс жағында) көлік қозғалысына шектеу қойылып, қиындықтар туындауы мүмкін.

Көлік қозғалысына шектеу қойылатын учаскелер:

1) Жандосов көшесінен Шаляпин көше­сіне дейін  4 сәуір мен 16 мамыр аралығы;

2)      Шаляпин  көшесінен  Абай даңғы­лына дейін 6  сәуір мен 25 мамыр аралығы;

3)      Абай даңғылынан Жұбанов көшесі бойымен 21 мамыр мен 18  маусым аралығы;

4)      Жұбанов көшесінен Абай даңғы­лына қарай  28 мамырдан 16 шілдеге дейін.

Қала тұрғындарына барынша қолайлы болу үшін жаңарту жұмыстары сегмент  бойынша,  яғни әр 100 метр сайын жұмыс­тар атқарылып, қазылған аймақ­тардың үсті  жабылып, асфальт төселеді.  Атап айтқанда, Жандосов көшесінен солтүстік бағытта Абай даңғылына дейін, Абай даңғылынан оңтүстік бағытта Жандосов көшесіне дейін. Сондай-ақ, Абай даңғы­лынан Жұбанов көшесіне дейін жүреді.

Алматы ақшамы