Өзінің 85 жылдық мерей­тойын атап өтіп отырған өнер­дің қара шаңырағы Т.Жүргенов атындағы Қазақ Ұлттық Өнер акаде­миясында Елбасы Н.На­зар­баевтың «Болашаққа бағдар: рухани жаңғыру» бағдарламасы аясында, Қазақстан Республи­касы Білім және ғылым  министр­лігінің және Алматы қалалық «Рухани жаңғыру» жобалау кеңсесінің жоспарына  сәйкес,  Алматы қаласы Білім  басқарма­сының мемлекеттік тапсырысы бойын­ша, Т.Жүргенов атындағы Қазақ Ұлттық Өнер академия­сының тікелей қолдауымен 14–17 жастағы оқушылар арасында «Қазақстан балалары шексіз әлемде!»  атты ІІ қалалық  кино­фес­тиваль өтті. Іс-шараны  Ал­маты қаласының №7 Оқушылар үйі ұйымдастырып өткізді.

Киноиндустрия саласындағы жас таланттарды анықтау, оларға кәсіби бағыт-бағдар беру және қолдау, жеңімпаздарды кино­фестивальдің ІІ респуб­ликалық турына қатыстыру мақсатында өткізілген шараға          «Деректі фи­льм», «Ойынды  кино», «STOP-MOTІON», «Әлеу­меттік жарнама, әлеумет­тік ролик», «Анимация», «Видео-арт», «Музыкалық  фильм» аталымдары  бойынша 43 оқу­шының кинотуындысы қатысты.

Кинофестивальға қатысушы жас таланттарға Т.Жүргенов атындағы Қазақ Ұлттық Өнер академиясының ректоры, Қа­зақстан Республикасының еңбек сіңірген қайраткері,  профессор Бибігүл Нүсіпжанова, киноре­жиссер Сатыбалды Нарымбетов, Қазақстан Республикасының Халық әртісі  Нұрғали Нүсіп­жанов, қалалық Білім басқар­масы, «Рухани адамгершілік тәрбие және өзін-өзі тану»  бөлімінің басшысы Нұргүл Тауқызы, Театр өнері  факуль­тетінің аға оқытушысы Еслам Нұртазин, кино және театр актері  Асылхан Төлепов, №7 Оқушылар үйінің директоры, кинофес­тивальдің ұйымдас­тырушысы Айнұр Даулбаева жас талант­тардың  кино өнері жолындағы шығармашылық  қадамдарына  сәттілік тіледі. Халықаралық байқаулардың жеңімпазы, №7 Оқушылар үйінің «Керім-ай» сән театры «АМАНАТ»  коллекция­сын көрсетіп, үміткерлерге қанат бітіргендей көңіл-күй сыйлады. Салтанатты бөлімнен соң, барлық қатысу­шылар, олардың жетек­шілері, ата-аналар мен көрер­мендер Өнер академия­сының киноза­лынан үміткер­лердің ұсынған туындыларын тамашалады. Бұл әрбір үміткер, жас киногерлер үшін шеберлік сабағы болды. Кешке дейін созылған көрсетілімнен соң, барлық қатысушылар бір-біріне деген жылы лебіздерін білдіріп тарқасты.

Жүлделі орыннан үміткер ең үздік туындыларға  әділқазылар алқасының  төрағасы: Қазақстан Республикасының еңбек сіңірген қайраткері, Т.Жүргенов атын­дағы Қазақ Ұлттық Өнер ака­де­миясы  Кино және ТВ   факу­ль­тетінің профессоры Д.Мана­бай, алқа мүшелері: Кино және ТВ факультетінің деканы Г.Мұр­салимова, про­фессор,  кино­режиссер Б.Омар, аға оқытушы М.Бекқожин,  аға оқы­тушы Э.Пшенаева сынды  әділқазылар құрамы  төрелік  жасады.

Кинофестивальдің екінші күніндегі жеңімпаздарды мара­паттау рәсіміне жиылған жұрт­тың қарасы көп болды.

Екі  күнге созылған фести­вальдің нәтижесі  бойынша  кино әлемінің  жас жеңім­паз­дары анықталды:

* «Деректі кино» аталымының жеңімпазы – Әділ  Сұлтанбек, «Бейбіт күннің батыры»  атты туындысымен  (Алатау ауданы, №152 мектеп-гимназия оқушы­сы);

*  «Ойынды кино» аталымы­ның жеңімпазы  – Диана Сей­дал­ханова, «Ана»  туындысымен (Түрксіб ауданы, №84 мектеп оқушысы);

* «STOP-MOTІON» аталымы­ның жеңімпазы – Абдувалиева Дильназ, «Уақыт» атты туын­дысымен (Түрксіб ауданы, №84 мектеп оқушысы);

* «Әлеуметтік жарнама, әлеуметтік ролик» аталымының жеңімпазы – Мэлісұлы Тамерлан,  «Отбасым» атты  туындысымен (Алмалы ауданы, №4 Оқушылар үйі);

* «Анимация» аталымының жеңімпазы –  Ахатқызы Камилла,  «Мони мен Томи» атты туын­дысымен  (Түрксіб ауданы, №84 мектеп оқушысы);

*  «Видео-арт» аталымының жеңімпазы –  Амандық Аяулым,  «Ғажайып су» кино туындысымен (Түрксіб ауданы, №84 мектеп оқушысы);

* «Музыкалық  фильм» аталы­мының жеңімпазы – Тұрдығазы Ұлан, «Мейірім сыйла»  атты туындысымен (Түрксіб ауданы, №84 мектеп оқушысы);

* «Үздік ойынды кино» ата­лымын  – Яровицын Глеб және  Кистанов Кириллдің «Выход» атты  туындылары  иеленді (Ор­та Азиялық технико – эконо­микалық колледжінің 1-курс студенттері).

Өнер ордасының киелі сахнасында өнер  қайраткер­лерінің қолынан  мадақтамалар мен «Жас Шәкен жұлдыздары» кәдесыйын алғанда  бала қуаны­шынан асқан  бақыттың жоқ екендігіне көз жеткіздік. Жеңімпаз жас өрендерге кәсіби бағыт-бағдар беріп, қанаттан­дырған, бар білімін шәкірт бойынан іздейтін Асел Рахим­баева, Абай Дулатбеков, Рахым­жан Қалдыкөз сынды  жетек­шілердің еңбектері жанып, баптап бәйгеге қосқан шәкірт­тері өте жақсы көрсеткіш пен нәтижелерге қол жеткізді. Барлық үміткерлер мен олардың жетекшілері Алматы қалалық Білім басқармасының арнайы мақтау және Алғыс хаттармен марапатталды.

«Жүзден – жүйрік, мыңнан – тұлпар» атанған  ең үздік туындылар  ағымдағы жылдың 27-28 қазан айында Атырау қаласында өтетін  ІІ республи­калық  кинофестивалға жолдама алды. Осылайша үрдіске айнала бастаған кинофестиваль өз мәресіне жетті. Қазақ кино­сының тарихын жасап, дәуірін қалып­тастырып кеткен аға ұрпақтың салып кеткен сара жолының даңғыл екендігіне осынау байқау тағы да бір сәт көз жеткізгендей болды.

Рая Ескендір

Алматы ақшамы