Бүгін Қазақстанның  №1 ледиі, ханымы, "БӨБЕК" қорының Президенті Сара Алпысқызы 78 жасқа толды деп жазады Qamshy.kz ақпарат агенттігі. Бұл туралы Жанар Байсемізова өзінің фейсбук парақшасына жазды. 

Ол тәуелсіздіктен кейін, елге ең алғаш өзін-өзі тану ілімін әкелді. Махаббат, мейірімділік, ізгілікке толы адамгершілік қасиеттерді насихаттады. Адам өзгені тану үшін алдымен өзін-өзі танып, білуі қажет екенін айтты. 

Негізі,шынтуайтына келсек, Сара Алпысқызы қазақ халқына өте қажет дүниені дәріптеді. Бірақ дәл сол кезеңде оның ілімін басқалар науқаншылыққа айналдырып жіберді. Халық сондай терең, рухани ілімді алуға дайын болмады. 70 жыл Құдайдан алшақтатқан Кеңестік жүйе қазақтардың бойындағы имани қасиеттерді жойып жіберген еді. Қайта түлеуге көп уақыт кетті. 

Сара Алпысқызын соңғы рет ЮСА телеарнасында журналист болып жүргенде көрдім. Ол кезде менің бойымда жастық максимализм жанып тұрған кез еді. Біздің бірінші тапсырмамыз сынау, пролема іздеу болатын. Өзімізше әділдік іздеп, халыққа жақ болатын тақырыптар көтеріп жүрміз, билікті сынап жүрміз деп мәз едік. Сол кездегі біздің позициямыз, өзіміздікі емес бөтен көзқарастардың көрінісі болғанын қазір түсінемін. 

"Бөбек" қорының жиналысына барғанда осы жүйедегі жұмысты сынап, бірінші ханымның қағидалары қазаққа жат екенін жата кеп соғып, сюжет бердім. Өзім бір керемет ерлік істегендей масаттандым. 

Бірақ уақыт өте келе мен қателескенімді, қайырымдылыққа, өзін-өзі тануға, рухани жаңғыруға қарсы тұрғанымды ұғындым. Арада көп жыл өткен соң, бір күні көз алдыма өзінен өзі Сара Алпысқызының сол жиындағы бейнесі келе қалды. 

Залға әдемілеп кірген бірінші ханым, өзіне сөз берілгенде басын көтеріп, жан-жағына сүйіспеншілікпен қарап: "ДАВАЙТЕ ПО ФИЛОСОФСТВУЕМ", - деді жұмсақ үнімен. Мен жап-жас қыз, бір сәт аңтарылып қалдым...
"Қалай? Қалай по философствуем..." дедім, іштей күбірлеп... 

Сол шақтарда Сара Алпысқызының халқына жарық сәуле таратқысы келгенін, өзіне ашылған ілімді бөліскісі келгенін кейін ұқтым. 
Осылайша, маған бірнеше жылдан кейін озарение келді. 

Мен Сізден кешірім сұраймын, Сара Алпысқызы. 
Мен Сізді жақсы көремін, Сара Алпысқызы. 
Өміріңіз ұзақ болсын! 
Өзін өзі тану бізге қажет! 
Сіз еккен дән, енді шығып жатыр! 

Ұсынған: Мақпал Сембай