Тізімде көш бастап тұрған жұлдыздардың бірі – оқырманы ең көп саналып жүрген белгілі продюсер Баян Есентаева. Дәл қазіргі уақытта продюсердің 764 000 оқырманы бар. Күнделікті тірліктерімен оқырмандарымен жиі таныстырмаса да, жасалып жатқан жұмыстары мен жетістікке жетіп жүрген жобалары жайында айтып отырады. Анда-санда жастық шағын еске алып, суреттер салып қоятыны бар. Отбасы да танымал тұлғалар қатарына енді. Айнұр Тұрсынбаева. Белгілі айтыскер ақын Айнұр Тұрсынбаеваның да жастарға айтар ақыл-кеңесі жеткілікті. Оқырманы 238 000-ға жетіпті. Денсаулыққа, әдемілікке қатысаты жазбаларды жиі салып, оқырмандарының алғысына бөленіп жүргені рас. Сонымен қатар, Айнұр жақсы аспаз, нағыз қазақтың отбасын берік ұстап отырған әйел ретінде өзін танытып үлгерген. Анда-санда өнер адамдарын да жарнамалап қояды. Мұхамеджан Тазабек. “Асыл арна” рухани ағартушылық телеарнасының директоры Мұхамеджан Тазабек те ғаламтор белсенділерінің қатарында. Оқи жүрсек ақындық өнерімен, әдемі сөз саптауымен жастарды ілімге шақырып, үлгі-өнеге көрсетіп келеді. Оқырмандар саны 84 000. Асхат Садырбай. Елде болған елеулі дүниелерді уақытынды жеткізіп, оқырмандарымен бөлісіп отыратындардың қатарында белгілі журналист Асхат Садырбай да бар. Қоғамда қызу талқыға түсетін өзекті мәселелерге де бейжай қарамайды. Өнер жұлдыздарына қызықты айдарлар дайындап, жаңалықтарын жедел  жеткізіп жүрген жайы бар. Оқырманы 139 000. Сәкен Майғазиев. Ел назарынан тыс қалмайтындардың арасынан әнші Сәкен Майғазиевті атап өтуге болады. Оқырманы 431 000. Концерт, мерекелік жиындар, қазақтың тойында болсын Майғазиевті байқамау мүмкін емес. Ғаламтор желісінде қоғамдық мәселелерге бейжай қарамайтынымен көзге түскен. Ағалық буынның тізгінін ұстап өнерлі жастарды қолдап, ақылын айтып, жол көрсетіп жүрген жайы бар. Балажан, қамқор әке екеніне де көпшіліктің көздері жеткен.