"Астана" халықаралық қаржы орталығының басшысы Қайрат Келімбетов қызметкерлерінің жалақысы туралы айтып берді, деп жазады Forbes.kz.
Оның сөзінше, қаржы орталығы қызметкерлерінің еңбекақысы "Бәйтерек" холдингіндегі жалақы мөлшерімен шамалас. Сондай-ақ ол орталықта жалақыға үстемақылар берілмейтін айтты.
– Жалақы "Бәйтерек" холдингі деңгейінде. Орташа есеппен басқарушы персонал шамамен 5 мың доллар алады, – деді ол.
Журналистердің қалай ақша табуға болады, қаржыны қайда салған жөн" деген сауалдарына қаржы орталығының басшысы "қаржыны құнды қағаздар биржасына салуға, "Қазмұнайгаз" компаниясындағы IPO-ға дайындалуға, биржадағы жаңалықтарды бақылап отыруға кеңес беремін" деп жауап берді.
Пікір қалдыру