Қазақстанның экс-президенті, Қауіпсіздік кеңесінің төрағасы Нұрсұлтан Назарбаев Қордайдағы қақтығыс пен короновирустың таралуына байланысты қауіпсіздік кеңесінің отырысын өткізді. Жиын барысында биологиялық қауіпсіздікті қамтамасыз ету және коронавирустық инфекцияның таралуына қарсы тұру мәселелері қаралды. Бұл туралы Еlbasy.kz  сайты хабарлады.

Жиналыстың ашылуында Нұрсұлтан Назарбаев Қордай ауданында болған оқиғалардың салдарынан қаза болғандардың отбасыларына көңіл айтты және барлық зардап шеккендерге тезірек сауығып кетулерін тіледі.

– Қазіргі жағдай мені қатты алаңдатады. Біз және біздің халқымыз осы 30 жыл ішінде едәуір қиындықтарды бастан өткердік. Жастар бұл проблемаларды елестете де алмайды. Қазақстанда 130 кәсіпорын өз қызметін тоқтатты. 2,5 млн адам жұмыссыз қалды. Тіпті олардың үйінде жылу да болмады, ішерге тамақ та болмады. Бірақ біз бұдан өттік, -–деді Назарбаев.

Қауіпсіздік кеңесінің төрағасы Қазақстан тәуелсіздік алғаннан кейін әлеуметтік-экономикалық салада үлкен қиындықтарды бастан өткергенін атап өтті.

– Егер біз көпұлтты халқымызды біріктіріп, тұрақтылықты қамтамасыз ете алмасақ, бүгінде елімізге шетелдік инвестициялар келмейді, экономика жұмыс істемейді. Әрине, мемлекет басшыларына тиісті міндеттер жүктелді. Бірақ ең алдымен бейбітшілік пен келісімді сақтауымыз керек. Бұл – біздің халқымыздың жауапкершілігі, – деді Нұрсұлтан Назарбаев.

Сондай-ақ экс-президент жағдайдың себептерін мұқият зерттеп, кінәлілерді заң нормаларына сәйкес жазалауды тапсырды.

– Бұл проблема аға буын өкілдеріне қатысты болуы керек. Ұлт көшбасшысы ретінде менің мақсатым – Қазақстанды болашақ ұрпақ мақтан ететіндей деңгейге көтеру. Ал аға буынның міндеті – адамдарға біздің ортақ міндетіміз тәуелсіз, дамыған мемлекетте өмір сүру екенін түсіндіру, – деді Қауіпсіздік кеңесінің төрағасы.

Назарбаев қазіргі уақытта президент Тоқаевтың тапсырмасымен үкімет және облыс әкімдігі зардап шеккен елді-мекендерді қалпына келтіру үшін жұмыстар жасауда. 

Жиында жергілікті атқарушы және құқық қорғау органдарының, Қазақстан халқы ассамблеясы мен оның аймақтық филиалдарының жұмыс сапасына назар аударылды.

– Ассамблея мен оның аймақтық бөлімшелері белсенді болып, осындай жағдайларды бақылауда ұстауы керек. Бұл – біздің ортақ міндетіміз, – деді Нұрсұлтан Назарбаев.

Кездесуде Жамбыл облысының әкімі Бердібек Сапарбаев, Ішкі істер министрі Ерлан Тұрғымбаевқа егжей-тегжейлі есеп берді.

Бірінші мәселені талқылау аясында орталық мемлекеттік және жергілікті атқарушы органдарға ел өңірлеріндегі, оның ішінде жұмыспен қамту және инфрақұрылымды дамыту, әлеуметтік нысандарды қайта құру және әлеуметтік-экономикалық саладағы проблемаларды шешуге бағытталған бағдарламаларды одан әрі іске асыру тапсырылды.