Алматыда пандемия басталғалы бері науқастарға арналған төсек саны 12 есеге артты. Бұл туралы өңірлік коммуникация қызметінің өткізген онлайн-брифингінде Алматы қаласының Қоғамдық денсаулық сақтау басқармасының басшысы Камалжан Надыров мәлімдеді.

Бүгінде Алматы қаласының жалпы төсек қоры- 6000 орынды, яғни 49% құрайтыны белгілі.

Пандемия басталғалы бері жұқпалы аурулар аурухана саны 2-ден 26-ға, яғни 500 төсектен 6000-ға дейін (12 есе) көбейді. Пандемияның бұдан кейінгі даму перспективасын ойластырған қала басшылығы қазірден бастап келесідей шараларлы жүзеге асыруда.

«Күзде біз COVID-19 белгілері бар 7700 науқасты бір уақытта стационарлық емдеумен қамтамасыз ете аламыз», — деді қоғамдық денсаулық сақтау басқармасының басшысы.