тұтынушылар тарапынан үлкен сұранысқа ие

Дағдарыс өзінің шеңгелі мен қылбұрауын қанша жерден салса да, өзінің стратегиялық міндетін жан-жақты ойластыра білген кәсіпорындардың ұпайы түгел болып қала бермек. Бұл өз кезегінде өнім сапасын және оның қауіпсіздігі мен бәсекеге қабілеттілігін одан әрі көтеру деген сөз. Сонымен бір мезгілде шығарылған өнімді өткізу жөніндегі рынок шеңберін сақтап қана қоймай, оны одан әрі ұлғайтуды көздеген кәсіпорындарға қандай дағдарыс та қауіп туғыза алмайды.

Орал өңіріндегі ет-балық, құс және көкөніс түрлерін өңдейтін баламасы жоқ кәсіпорын «Кублейді» дәл осы қатарға қоса аламыз. Өйт­кені, қазіргі нағыз дағдарыс жағ­дайында да кәсіпорынның тыны­сы одан әрі кеңеймесе, тары­ла қойған жоқ. Тұрақты даму жолын алға ұстай білген отан­дық компанияның еліміздегі та­мақ өнеркәсібінің өркендеуіне, ұлт­тық асханамыздың өрісі өсуіне қо­сып отырған үлесі қомақты. Биыл мұндағы өнім өндіру үлесі өт­кен жылмен салыстырғанда 10-15 пай­ызға өскені осы сөзіміздің дәлелі.

Бұлай болатын жөні де бар екен. Экономикалық-қаржы­лық тұр­ғыдан бір ызғар мен салқын­дықтың лебін алдын ала сез­ген «кублейліктер» өткен көк­тем мен жаз айларында өнді­рісті өркендетудің кең ауқым­ды бағдарламасын жасақ­тап үлгеріпті. Соған сай техно­ло­гиялық желілер қайта жарақтан­ды­рылудан өткізіліпті. Осы арқы­лы зауыт конвейерінен бұған дейін тұтынушыларға жол тартқан қалбырдағы тағам түрлері одан әрі көбейген. Осы тұста «Кублей» өнімдеріне алдын ала мұқият сұрыпталған табиғи шикізат негіз болатынын айта кеткен жөн.

Бүгінде ұлттық тағам­дары­мыздың артықшылығы мен азықтық жұғымдылығына, адам ағзасына тигізетін оң әсеріне және оның экологиялық тұрғыдағы жо­ғары сапалық қасиеттеріне Дү­ниежүзілік сауда ұйымына мү­ше елдер тұтынушыларының көз­дерін жеткізіп үлгере алмай жат­қанымыз жасырын емес.

Осы олқылығымыздың орнын отандық компания – «Кублей» толтырып отыр десек шындықтан алшақ кетпейміз. Бұл бағытта компания технологтары отандық және шетелдік тұтынушылардың талап-тілектерін толықтай өтеу үшін ұдайы ізденістер мен мар­ке­тингтік зерттеулерге бой ұра біл­ді. Соның нәтижесінде тек «Куб­лейдің» өзіне ғана тән консерві әзірлеу рецептісі өндіріске жол тартты. Бұл рецепт – аса бай ұлт­тық ас әзірлеу дәстүрлеріне сәй­кестендірілді. Ең бастысы, атал­ған өнімдердің аты мен затынан еш кемістік көре алмайсыз.

Міне, қалбырларға салынған «Кублейдің» өнімдеріне көз салып көрейікші. Бұлар «Қазы», «Қарта», «Жал», «Жая», «Қазақша асылған ет», «Бұқтырылған жылқы еті», «Әзір түскі тамақ», «Шұжық» деп жалғасып кете береді. Осы орайда мұндағы ұжым мүшелері арасында орныққан басты ұстанымды да айта кеткен жөн. Бұл «Жұғымды тамақ – ұлт саулығы» делінеді. Қалбырдағы отандық өнімдердің тағы бір артықшылығы – таби­ғи­лығы мен нәрлілігінде. Аса дәм­ділігінде. Әсіресе, есіл уақыт жете бермейтін от ала қашқан бүгін­гідей қым-қуыт кезде оны өте тез пайдалануға болатындығында. Қалбырдың қақпасын қайырып, қыздыра қойсаңыз қас пен көздің арасында түскі тамақ әзір дей беріңіз.

«Кублей» – халқымыздың ежел­гі ұлттық тағамдарын қара қа­заннан жаңа түскендей буы бұр­қыраған әзір күйінде қалбырлап тұтынушыға ұсыну технологиясын терең түйсіне білген еліміздегі баламасы жоқ компания. Оның өнімдерінің өтімділігінің басты сыры – экологиялық тұрғыдан тазалығында, қандай да болмасын жасанды қоспалар мен дәмдеуіштерсіз әзірленетінінде, әрі азық-түлік қауіпсіздігінің барлық талаптарына сәйкес­ті­гінде. Сондықтан да оған ішкі және сыртқы нарықтарда қашан­да сұраныс мол. Кәсіпорын өз жұ­мысын алғаш бастаған кезде тек бір ғана сиыр етін қалбыр­лап шығарған болса, бүгінде зауыттағы әзір өнімдердің түрлері жүзден асып жығылады. Әрі мұн­дағы конвейерде бір ауы­сымда жүз мың дана консерві шыға­рылады.

Осыдан екі жыл бұрын Орал қаласындағы «Кублей» ЖШС компаниясы Президенттің «Алтын сапа» сыйлығының иегері атанды. Бұған қоса олар өздері тектес әріптестері арасынан «Халық тұтынатын тауар шығаратын үз­дік кәсіпорын» аталымын жеңіп алды. Осы тұрғыда компания басшысы Талғат Берекешев өз ой-пікірін былайша сабақтады.

– Біз өз өнімдерімізбен ха­лық­аралық көрмелерге жиі қаты­сып тұрамыз. Биылғы жазда Ре­сейдің Мәскеу қаласында өткізілген «Продэкспо-2015» XXII ха­лықаралық азық-түлік көр­месіне қатысып, арнайы алғыс­хатпен марапатталдық. Әрине, басты мақсат – марапат алу емес. Ашығын айтқанда, мұн­дай көрмелердің жаңа байланыс­тар орнатуға, бір-бірімізден үй­ренуге және өнім өткізу кеңістігін кеңейтуге тигізетін пайдасы мол.

Бүгінде «Кублейдің» кон­сер­вілері Қазақстанның барлық өңірлеріне және Ресейдің Батыс Қазақстанмен шекаралас облыстарына, Түрікменстан мен Қыр­ғызстанға таралып отыр. Таяуда мұндағы өнім өткізу аумағы Ор, Мәскеу, Новосібір және Волгоград қалаларымен толықтырылған. «Кублей» компаниясы қазіргі күні жергілікті шикізатты пайдалану көздерін ұлғайту үшін Орал қаласының іргесінен ірі мал сою кешені құры­лысын тұрғызу үстінде. Бұл өн­діріс орны алдағы жылдың басында аяқталады деп күтілуде. Жаңа кешен пайдалануға берілген кезде ауылшаруашылық өнімдерін қал­дықсыз өңдеу технологиясы іске қосылмақ. Яғни, бұдан да гөрі түсініктірек тілмен айтқан­да, мұнда тері мен сүйек-саяқ және мал сирақтары да терең түрде өңделмек.

Қазіргі таңда «Кублей» кон­вейері мен цехтарында 400 адам тұрақты жұмысқа тар­тыл­ған. Компания басшысы, халқы­мыз­дың намыс­тан жара­тылған отаншыл азаматтарының бірі Талғат Берекешев олардың бірде-бірі қысқартудың қамытына килікпейді деп мәлімдеп отыр.

Дереккөз: Егемен Қазақстан