Jer komısıasynyń nazaryna usynys!
Jer máselesiniń aınalasyndaǵy bir másele - aýyl men aýyl keleshegi!
Problema:
Negizi kezinde «Dıplommen aýylǵa» dep, jerdiń ıesin jastardy aýylǵa qaldyrýǵa tyrysyp baqtyq. Onyń myńnan on-on besi qaıtqany bolmasa, toksan bes paıyzy qalaǵa qashty. Sonda bul qaı jer ıesine keleshekte jerdi qaldyrmaqpyz?! Aıtpaqshy, Aýyl jyldarynyń baǵdarlamasynyń mardymdy jetistiginiń bolmaǵany taǵy bar. Sol sebepti aýyldyń hám aýyl jastaryna qatysty jasalynbaq baǵyt jalpy máseleni SHESHPEDİ!
Usynys:
Menińshe «Jas aýyl» degen jańa baǵytty qolǵa alý kerek. Eń aldymen, aýyldyń keleshegin jastardyń keminde naqty jer men onyń óndiristik-kásiptik salasyna 30% qaıtarý.
Joldary, aýyldan shyqqan jastarǵa, syrttan kelgen jas aǵaıynǵa, qaladan aýylǵa baryp sharýshalyq ashýǵa nıetti jastarǵa:
- kásip ne sharýashylyq ashýǵa 5 jyldyq salyqtan bosatý;
- tehnıka men nesıelik qarjyǵa qol jetkizýde 50% memlekettik ústeme qoldaýymen jeńildik jasaý;
- aýyldyq aımaqqa «Qol jetimdi baspana» aýyldyq tıptegi baǵdarlama jasaqtaý;
- Investısıalyq jobalardyń negizinde qosymsha ınfraqurylymdyq máselelerge, áleýmettik ynsandardy qurýǵa keletin ishki ne syrtqy kompanıalardyń quzyretine berý arqyly jergilikti áleýmettik áriptestikti kúsheıtý.
Nátıjesinde - qalaǵa ishki mıgrasıanyń 30%-y toqtaıdy, naqty kásiptik-óndiristik baǵyttar aıqyndalady, qalalyq qylmys, áleýmettik kúızelister men teke-tirester, qosymsha qoǵamdyq máseleler týyndamaıdy.
Oılanyp kórińizder! Kezinde Mustafa Kemal Atatúriktiń tusynda 30-40 jyldary shamamen osyndaı baǵytta jastardy jer kásibine tartqan bolatyn, ol kezde kerek deseńiz keńsesine deıin tegin jalǵa berildi, komýnıkasıalyq problemalaryn da sheship berip edi. Bizde de HHİ ǵasyrda keremet kúshti bolyp ketpesek te, damý úrdisimen salystyrsaq sol 40, 50-jyldardyń o jaq, bu jaǵynyń deńgeıinde turmyz...
Maqsat Jaqaýdyń Feısbýktegi paraqshasynan alyndy
