Qytaı Qazaqstan saıasatyna qarsy ma?

/uploads/thumbnail/20170709204808651_small.jpg

Ótken jyldyń sońyna qaraı, ınternette «Qytaıdaǵy qazaqtarǵa vıza bir jylǵa beriletin bolypty» degen habar qaptap ketip edi. «Bárkeldi» desip qýanyp qaldyq. Al Qazaqstan Respýblıkasy kóshi-qon zańnamasyna túrli ózgerister enip, qandas aǵaıyndarǵa qam jasap bastap edi. Bir elden bir elge kelip, ornyǵyp ketý, Qazaqstan qoǵamyna sińisýdiń ózi qaıtpas qajyrlyqty talap etedi.  Qytaıdan kelip jatqan aǵaıyndar, birinshi kezekte yqtıar hatty alýǵa tyrysady. Maqsaty, eki el shekarasynan vızasyz ótý edi. Ári qaraı Qazaqstan azamattyǵyna ótinish berý. Yqtıar hattyń ýaqyty on jyl. Osy on jyl kóleminde aǵaıyndar artta qalǵan aýylyndaǵy kóp sharýanyń etek-jeńin jıystyryp kelý bolatyn. Yqtıar hatpen júrgender kóbine qarıa kisiler, olar Qazaqstan Respýblıkasynan zeınetaqy  ala almaıdy, sebebi ony Qytaı elinde zeınetaqy alyp otyrǵan azamattar.

Qytaıdyń Shyńjań uıǵyr avtonomıaly aýdanynda turatyn qandastarymyzǵa jergilikti úkimet qysym jasap otyr. Zeınet jasyndaǵy azamattardyń tól qujatyn jınap alyp, Qazaqstanǵa kelýine tyıym saldy. Ár eldiń zańy ózine desek te, kez kelgen adamnyń ózindik quqy boıynsha berilgen tólqujatyn jınap alý, ol adamnyń quqyna qol suqqandyq bolmaq. Bul bir, ekinshi tek qana Qazaq eline ótýshilerdi qatań tekserip, qazaq azamattardyń aıaǵyn tusap otyrýy, bul byltyr ǵana bizdi qýantqan «Qytaıdaǵy qandastarǵa vıza bir jylǵa beriletin boldy» degen QR úkimetiniń saıasatyna tikeleı qasaqana qastandyq jasap otyrǵany. Olaı deıtinimiz, qazir eki el arasynda kelip-ketip júrgen azamattar kóbinde Qytaıda 40 jyl úkimetke  jumys istep, memlekettik qyzmette bolyp, eńbegi sińip, búginde sol eńbeginiń zeınetaqysyn alyp otyrǵandar. Olar Qazaq eline ne úshin kelmek?  Balasyn oqytyp, nemeresin baǵyp, urpaǵyna jaqynnan járdemshi bolǵysy keledi. Al, olardyń tól qujatyn jınap alyp qoıý degen bir otbasyn eki aıyrý, Qazaqstan respýblıkasynyń qandastar oralmandarǵa júrgizip otyrǵan saıasatyna ashyq qarsylyq dep bilemiz. Pasport jınaý Shyńjańda bir jyl buryn shynaıy iske assa, jaqynda QR-nyń berip otyrǵan yqtıar hatyn moıyndamaı, reti kelse alyp qoıyp jatyr eken. Mine osyndaı keleńsiz jaǵdaılarǵa Qazaqstan Repýblıkasynyń bılik ókilderi bir sát nazar aýdaryp, Qytaı bıligine qulaqqaǵys etse degen tilek bar. Men óz basym Astana qalasynda turamyn, áke-sheshem Qytaı elinde zeınet jasynda. Bizdi, nemeresin kórýge kele almaǵanyna eki jyldan asty, biz qyzmet, jumysymyzdan shyǵa almaımyz, bir otbasynyń eki aıyrylýy osy shyǵar!

Árıne maqsatymyz eki el dostyǵyna iritki túsirip, dıplomatıkaǵa daq salý emes! Dımlomatıkalyq dostyqty paıdalana otyryp, úkimet aralyq kelisimder júrgizip, qandastar kóshin jedeltetýge muryndyq bolsa! Shekaranyń eki jaǵynda qalǵan týys-týǵandardyń shyn kúızelisin túsinip, jaqynnan járdemshi bolsa, degen usynys edi.

 

Qaba Myńbaev  

Qatysty Maqalalar