Búgin 28-shi Búkilálemdik Qysqy Ýnıversıada oıyndary óz máresine jetti. Elbasy Nursultan Nazarbaev Almatydaǵy 28-shi Dúnıejúzilik qysqy ýnıversıadada joǵary nátıje kórsetken ulttyq quramanyń múshelerin quttyqtady.

«Sizderdiń qaısarlyqtaryńyzdyń arqasynda Qazaqstannyń jalpy komandalyq ekinshi orynǵa qol jetkizýi – eldiń bıik bedeliniń, buqaralyq sporttyń damyǵandyǵynyń aıqyn kórsetkishi.

Qazaqstannyń sport mektebiniń dańqyn taǵy bir márte asqaqtatyp, joǵary daıyndyqtaryńyzdy, jeńiske degen umtylys pen erik-jigerlerińizdi kórsettińizder.

2017 jylǵy ýnıversıada barlyq qazaqstandyqtar úshin naǵyz merekege aınaldy.

Sportshylarymyzdyń jeńisi qysqy sport túrlerin odan ári damytýǵa serpin berip, keler urpaqqa úlgi bolýǵa tıis.

Ýnıversıadanyń uıymdastyrý komıtetine jarysty joǵary deńgeıde ótkizip, jaýapkershilik tanytqany úshin alǵys aıtamyn.

Barlyq sportshylarǵa myqty densaýlyq jáne jańa belesterdi baǵyndyrý jolynda tabys tileımin!», – delingen quttyqtaýda.

28-shi Búkilálemdik Qysqy Ýnıversıada oıyndarynyń jabylý saltanaty «Qazaqstan» jáne «Kazsport» telearnalarynda tikeleı efırde kórsetildi. Ýnıversıada oıyndarynyń jabylý saltanaty 1,5 saǵatqa sozylyp, «Almaty -Arena» kesheninde ótti. Kórermender qyzyqty oqıǵalarǵa toly shoý- baǵdarlama tamashalap, sharaǵa Qazaqstan estradasynyń juldyzdary qatysty.