QR Investısıalar jáne damý mınıstri Jeńis Qasymbek Memleket basshysynyń bıylǵy Joldaýynda «Indýstrıa 4.0» prosesin Qazaqstanda damytýǵa aıryqsha nazar aýdarǵanyn erekshe atap ótip, onyń Qazaqstan úshin mańyzdylyǵyn aıtyp berdi.
"Kópshilikke «Indýstrıa 4.0» retinde belgili tórtinshi ónerkásiptik revolúsıa búginde álemdegi jahandyq ekonomıkalyq mańyzy bar tendensıaǵa aınaldy. «Indýstrıa 4.0» ónerkásip salalaryn transformasıalaý úshin aldyńǵy qatarly aqparattyq komýnıkasıalyq tehnologıany keńinen qoldanýǵa qajet.
Memleket basshysynyń tapsyrmasy men elimizdegi halyqaralyq tájirıbege sáıkes, «Indýstrıa 4.0» negizinde birtindep ónerkásipti tehnologıalyq jańǵyrtýdyń keshendi sharasy men tıisti tujyrymdama ázirlenetin bolady. Jalpy, Indýstrıa 4.0 elementterin engizý Qazaqstan ónerkásibine qoldanystaǵy júıeni jeńildetýge kómektesedi. Jańa tehnologıalar elektrondy formatta derektermen almasýdy uıymdastyrýǵa jáne jergilikti jerde az mólshermen shyǵarýǵa múmkindik beredi (mysaly, avtomobıl ónerkásibiniń qajet bólshekteri). Óndiristi avtomattandyrý adam eńbegin almastyrýǵa múmkindik beredi. Mysaly, robottalǵan dánekerleý kesheniniń bir operatory tapshylyǵy udaıy seziletin 5-10 bilikti dánekerleýshini almastyra alady. Bul turǵyda olardy oqytýǵa jumsalatyn shyǵyn azaıady, sonymen qatar, salaǵa jastardy tartýda kásiptiń bedeli artady.
«BCG» sarapshylarynyń pikiri boıynsha, «Indýstrıı 4.0» engizý Germanıada óńdeý ónerkásibinde ónimdilik 90 mlrd. eýrodan 150 mlrd. eýroǵa deıin artqan. Al, nemis kompanıalarynyń qosymsha tabysy jylyna 30 mlrd. eýrony quraıdy. Sondaı-aq, halyqaralyq sarapshylardyń pikirinshe, «Indýstrıa 4.0.» tehnologıasyna kóshýge 20 jylǵa jýyq ýaqyt qajet. Degenmen, qazirdiń ózinde sandyq negizge kóshý úshin tıisti alǵysharttardy jasaý kerek. Mysaly, túrli elderde ortasha jáne uzaqmerzimdi bastamalar men «Indýstrıa 4.0.» tehnologıasyn engizýdiń tıisti tujyrymdamalary qabyldanǵan: «Industrie 4.0» (Germanıa), «Industrie du Futur» (Fransıada), «Manufacturing innovation 3.0» (Ońtústik Koreıada), «Make in India» (Úndistan), «Industria Conectada 4.0» (Ispanıada), «Ulttyq tehnologıalyq bastama» (RF), «The New Robot Strategy» (Japonıa), «Manifattura Italia» (Italıa), China Manufacturing 2025 (QHR) jáne t.b." dep jazdy Jeńis Qasymbek óziniń Facebook paraqshasynda.
