«Saıası kalam. Trıbýna» gazetiniń bas redaktory Janbolat Mamaı tutqyndaldy dep jazdy «KazINFO Today». Bul týraly jemqorlyqqa qarsy Ulttyq búro málimdegen. Aqparatqa saı, tutqyndaý «BTA bank» eks-basshy Muhtar Ábilázov pen sybaılastaryna qatysty tekserý aıasynda bolǵan.

Búro taratqan aqparatqa saı Janbolat Mamaı olıgarh Muhtar Ábilázovtiń qupıa túrde qarjylyq qoldaýyna ıe boldy dep aıyptalyp otyr.

Aıta ketetin bolsaq, byltyrdan beri Qazaqstanda BAQ ókilderin tutqyndaý jıilep ketti. Jemqorlyqqa qarsy is-qımyl jónindegi Ulttyq búro ákeli-balaly Seıitqazy jáne Áset Mataevtardyń ústinen jemqorlyq faktileri boıynsha qylmystyq is qozǵady. 2016 jyly 3 qazanda Astana qalalyq Esil aýdanynyń 2№ soty S. Mataevty salyq tóleýden jaltardy, alaıaqtyq jasady dep taýyp, 6 jylǵa bas bostandyǵynan aıryldy. Al, S. Mataevtyń uly «QazTAG» Halyqaralyq aqparat agenttiginiń basshysy Áset Mataevty «Alaıaqtyq» baby boıynsha 6 jylǵa bas bostandyǵynan aıyrdy.

Sot CentralAsiaMonitor bas redaktory jáne Radiotochka.kz saıtynyń dırektory Bıgeldi Ǵabdýlın de tutqyndalyp, Jambyl oblystyq ákimdiginen ol 10 mıllıon teńge kólemindegi búdjet qarjysyn bopsalady degen aıyp taǵylǵan bolatyn. Keıinnen Elbasynyń raqymshylyǵymen bosap shyqqany habarlandy.