Osydan bir neshe kún buryn QHR Shyńjań uıǵyr avtonomıaly aýdanynadaǵy qandastarymyzdyń Ata jurtyna kelýine Qytaı úkimeti tarapynan jasalyp jatqan kedergiler týraly «Qytaı Qazaqstan saıasatyna qarsy ma» atty maqalamyzda aıtyp edik. Zeınet jasyna tolǵan azamattardy Qazaqstanǵa jibergisi kelmegen jergilikti úkimet(Aýdan, qala, ólke) olardyń jyldar boıǵy eńbegi bolyp esepteletin zeınet aqysyn kesip tastaý týraly «qoqan loqysyn» kórsetken edi. Az bolsa da eńbeginiń jemisinen aıyrlyǵysy kelmegen qarttarymyz ata jurtyndaǵy bala-shaǵasynan sharasyz qol úzip otyr. Osy týraly «tún uıyqtamaı, kún otyrmaı» bir tetigin izdestire bastaǵanymyz shyn. Qytaı memleketiniń zańnamalaryn aqtarystyryp kórip, zeınet aqy týraly myna bir aqparatqa qol jetkizdik.
2016 jydyń 20 shildesinde belgisiz bir saıt qoldanýshysy suraq qaldyrǵan eken. Osy suraqqa berilgen jaýapty oqyp kórip edik, kókeıge qonymdy bolyp shyqty. Nazarlaryńyzǵa usynyp otyrmyz.
Aýdarylǵany:
Suraq: Qytaı úkimetinen zeınetke shyqqan azamat, shetel azamattyǵyn qabyldaǵan bolsa, jalǵasty zeınet aqynsyna qol jetkize ala ma?
Jaýap: Qytaı úkimeti qyzmetkerleri zeınetke shyǵyp, odan ári shetel azamattyǵyn alýǵa quqyly. Ári zeınet aqysyna tolyqtaı qol jetkize alady. Bul zań 1985 jyly qoldanysqa engen, mine 30 jyldan beri júzege asyp keledi. Osy «zańnamaǵa» saı ózge el azamattyǵyn alǵan qytaılyq azamat, ózi turǵan memlekettegi qytaı elshiligine baryp, qajetti qujattar men ótinishterdi qaldyrýy kerek. Osy arqyly zeınet aqysyn jalǵasty alýyna bolady. Saıttaǵy osy aqparattarda osy zań 2015 jyldyń 7 shildesinen bastap tipti de kúshine enip otyrǵanyn baıqaýǵa bolady.
Suraq-jaýaptyń qytaısha nusqasy jáne saıttyń meken-jaıy:
Qaba Myńbaev
