12-aqpanda «Tumar» I Ulttyq televızıalyq báıgesine qatysý boıynsha ótinimderdi qabyldaý bastalady.

Báıgeni Qazaqstan Respýblıkasy aqparat jáne komýnıkasıalar mınıstrliginiń qoldaýymen «Qazmedıa ortalyǵy» uıymdastyrady. Maqsaty – elimizdiń eń sapaly jáne ózekti ónimin anyqtaý arqyly qazaqstandyq sapaly televıdenıeni damytý, ilgeri jyljytý, televızıalyq ónim jasaýshy talanty kásibı mamandardy qoldaý.

Báıgege 2016 jyly efırge shyqqan televızıalyq aıryqsha jobalar qatysady. Televızıalyq ónim jasap otyrǵan ulttyq jáne aımaqtyq telekompanıalar, stýdıalar,  prodúserlik ortalyqtar jáne basqa da medıa  óndiris uıymdary úmitker retinde qatysý úshin 24.02.2017 deıin ótinish joldaıdy.

    «Tumar» statýetkasy 12 atalym boıynsha beriledi: Úzdik derekti kıno; Úzdik áleýmettik joba; Úzdik aqparattyq baǵdarlama; Úzdik aqparattyq-saraptamalyq baǵdarlama; Úzdik mýzykalyq baǵdarlama; Úzdik tok-shoý; Úzdik televızıalyq serıal; Úzdik ázil-ysqaq baǵdarlamasy; Televızıalyq maýsymnyń úzdik jobasy; Televıdenıeniń damýyna úles qosqany úshin;  Úzdik aımaqtyq aqparattyq  baǵdarlama; Úzdik aımaqtyq áleýmettik baǵdarlama.

      Qazylar alqasy joldanǵan materıaldardy saraptap,  qarap shyǵyp, jasyryn daýys berý arqyly laýreattardy anyqtaıdy. Qazylar alqasy qazaqstandyq televıdenıeniń eń kásibı mamandarynan jasaqtalady.

Qosymsha aqparat resmı saıtta: tumar.kz