Parlament Májilisiniń burynǵy depýtaty Muhtar Tinikeev qalaǵan adamdy Astanadan Qaraǵandyǵa tegin jetkizip salýdy uıǵaryp, qaıyrymdy ister aksıasyna qosylǵan, - dep habarlaıdy Tengrinews.kz 

"Bir saǵattan keıin Qaraǵandyǵa júremin, jolserik bolǵysy keletin kim bar, aıaz ǵoı, aqsha qajet emes...", - dep jazǵan Twitter jelisinde Tinikeev.

Instagram jelisinde ol osylaısha Astana ákiminiń bastamasyn qoldaıtynyn aıtyp, jolǵa saǵat 11.00-de "Nursaıa" turǵyn úı kesheninen shyǵatynyn naqtylady.

Aıta keteıik, taıaýda Astana ákimi Áset Isekeshev Facebook jelisindegi paraqshasynda aıaz kúnderi qaıyrymdy júrgizýshiniń tegin jetkizip salǵany jaıly jazǵan avtordyń postyn bólisken edi. Avtor barlyq júrgizýshini osy adamnan úlgi alýǵa shaqyryp, "Qys aıaqtalyp qaldy. Júrgizýshiler, sýyq kúnderi "aýa" tasymańyzdar, barar jerińiz bir bolsa, qaıyrymdy is jasańyzdar. Qaıyrymdy is aksıasy tańnan bastalsa - kúnińiz sátti bastalǵany", - dep jazǵan.