Túrkimenstanda kezekti prezıdent saılaýy úshin 07:00-de saılaý ýchaskeleri jumysyn bastady. Bul Daýys berý keshki 19:00-ge deıin 2587 saılaý ýchaskesinde jalǵasady. Al onyń 39-y Túrkimenstannyń ózge elderdegi dıpmıssıasynda ashylǵan. Daýys berýge 3223455 adam qatysady.

Saılaýǵa barlyǵy toǵyz kandıdat tústi. Daýys berýge qatysqan saılaýshylardyń jartysynan kóbiniń qoldaýyna ıe bolǵan kandıdat Túrkimenstannyń jańa saılanǵan prezıdenti bolyp sanalady.

Ashǵabattaǵy №68 mektepte ornalasqan saılaý ýchaskesine prezıdentpen birge onyń áke-sheshesi keldi.

Daýys berýden keıin Berdimuhamedov qysqasha sóz sóıledi. «Búkil halqymyz el úshin mańyzdy oqıǵaǵa qatysýda. Mıllıondaǵan adam konstıtýsıalyq quqyn paıdalanyp, erikterin bildirip jatyr. Olar bolashaq aldyndaǵy uly jaýapkershiligin sezinip, joǵary memlekettik qyzmetke aldaǵy jeti jylǵa laıyqty degen kandıdatqa daýys berýde» dedi ol.

Túrkimenstandaǵy prezıdent saılaýyna jergilikti ýaqyt boıynsha saǵat 11:00-ge deıin qatysýshylardyń 51%-y daýys berip úlgerdi. Eń joǵary kórsetkish Ahal ýálaıatynda tirkelgen. Munda 11:00-ge deıin 58,77% daýys berýshi qatysty. Balqan ýálaıatynda – 51,52%, Dashoǵuz ýálaıatynda – 52,84%, Lebap ýálaıatynda – 51,90%, Mary ýálaıatynda – 49,40%, Ashhabad qalasynda – 45,02%.

Aıta keter bolsaq, 2016 jyldyń 14 qyrkúıeginde qabyldanǵan jańa Konstıtýsıaǵa sáıkes, prezıdent ókilettigi bes jyldan jeti jylǵa uzartyldy. Sonymen qatar,prezıdenttiń jasy 70-ten joǵary bolmaýy kerek degen shekteý alynyp tastaldy.

Eske salsaq, birneshe kún buryn Halyqaralyq quqyq qorǵaý "Húman Raıts Ýoch" (HRW) uıymy Túrkimenstanda ótetin prezıdent saılaýy qarsańynda málimdeme jasap, erkin jáne taza saılaý ótetinine kúmán keltirgen.