Sybaılas jemqorlyqqa qarsy is-qımyl ulttyq búrosy ókilderi "Báıterek UBH" Basqarma tóraǵasy Qýandyq Bıshimbaevtyń Qyzylorda qalasyndaǵy shyny zaýytynyń qurylysyna bólingen 1 mıllıard teńge qarajatty jymqyrǵanyn málimdedi, - dep habarlaıdy Tengrinews.kz tilshisi. 

"Báıterek UBH" Basqarma tóraǵasy Qýandyq Bıshimbaev Qyzylorda qalasynda tabaq shyny óndirý jáne qaıta óńdeý zaýytynyń qurylysynda "Orda Glass" JSHS jáne onyń merdiger uıymy "Shymkenthımmontaj" JSHS arqyly 1 mıllıard teńge jymqyrý boıynsha qylmystyq jospar qurǵan. Qylmystyq josparǵa osy atalǵan uıymdardyń jetekshileri D.Ibrashev , J.Isabek jáne M.Kojabaev tartylǵan", - delingen habarlamada.

Jymqyrylǵan qarajat, ulttyq búrodaǵylardyń aıtýynsha, "Zavod stroıtelnyh metalokonstrýksıı" JSHS úlestes kompanıasy arqyly tamaqtanýǵa jáne jumysshylardyń jatyn ornyna dep qolma-qol aqshaǵa aınaldyrylǵan.

Osy kórsetilgen somadan Qýandyq Bıshimbaev jeke ózi 2 mıllıon AQSH dollaryn syıbaılasy - inisi S.Nurlybekten alǵan delinedi.

Aıta keteıik, Bıshimbaevtyń ustalǵany jaıly 2017 jyldyń 10 qańtarynda belgili bolǵan edi. "Bıshimbaev top bolyp, aldyn ala kelisim jasaý arqyly asa iri kólemde birneshe ret para alyp otyrǵan. Zańsyz alǵan qarajatty Bıshimbaev óz qajetine jaratqan", - dep habarlaǵan edi Antıkorrýpsıa qyzmetiniń ókilderi.