Túrkimenstanda prezıdenttik saılaý aıaqtalyp, qorytyndy nátıjeler jarıalandy. Bul týraly sn.kz habarlaıdy. Ortalyq saılaý komısıasynyń málimetinshe, Gýrbangýly Berdimuhamedov 97,69% daýys jınap, qaıta eldiń prezıdenti bolyp saılanǵan.

Berdimuhamedovpen birge prezıdenttiń "taǵyna" taǵy 8 úmitker dámeli bolǵan edi. Alaıda, olardyń barlyǵy jabylyp júrip 3 paıyz da daýys jınaı almaǵan. Al, saıası sarapshylar bolsa saılaýdyń nátıjesi aldyn ala belgili bolǵanyn aıtady. Tek, Berdimuhamedovtiń naqty qansha daýys jınaıtyny ǵana olardy qyzyqtyrǵan.

Al, halyqaralyq quqyq qorǵaý uıymdary osynaý saıası naýqannyń ádiletti ótkenine senbeıdi. Azattyq radıosynyń tilshileri saılaý ýchaskelerinde bolyp, búletenderdiń tek bir adamnyń ǵana atyna toltyrylyp jatqanyn baıqaǵan. Sondaı-aq, saılaýshylardyń resmı derekterde keltirilgendeı kóp emestigin de radıo jýrnalıseri málimdep otyr.