Djoanna Palanı esimdi 23 jastaǵy danıalyq stýdent qyzdyń basy úshin 1 mıllıon dollar marapat taǵaıyndalyp otyr, dep habarlaıdy muslim.kz

Djoannanyń mundaı «mártebege» ıe bolýyna 100-den astam DAISH jaýyngerin óltirgeni sebep bolǵan. Ol áskerı qyzmeti kezinde kúrdter ornalasqan aýmaqta júrip DAISH lańkestik uıymynyń 100-den astam sarbazynyń kózin joıǵan.

Djoannanyń qanynda ırannyń da, kúrdtiń de qany bar. Ol Parsy shyǵanaǵyndaǵy soǵys kezinde Iraktaǵy bosqyndar lagerinde týǵan. Jasy 2-ge tolǵan kezde onyń otbasy kóship ketedi. Al, 9 jasynda ol alǵash ret qolyna qarý alady.

2014 jyly Djoanna Danıadaǵy oqýyn tastap, Sırıaǵa attanady. Osy jerde ol Sırıa opozısıalyq kúshterine qosylyp, Bashar Asad bıligine qarsy kúresedi, keıin DAISH-qa qarsy soǵysady.+

Ol negizinen soǵys qımyldaryn Kobanı qalasynda júrgizip, tutqynǵa túskender men seks-quldyqqa tap bolǵandardy bosatýmen aınalysady.

Onyń áreketi Danıa úkimetiniń de nazaryn aýdarady. Elge kezekti ret kelgen kezde oǵan soǵys bolyp jatqan aýmaqqa barýǵa tyıym salynady. Alaıda, Djoanna munymen kelise almaı, Katarǵa attanady. Biraq qyzdy ustap alyp, Danıadaǵy iri túrmege qamaıdy. Úsh aptadan soń ony bosatyp, tólqujatyn tárkileıdi.+

Ol tyıymdy buzǵanyna ókinedi. Biraq, dat úkimetiniń ózin DAISH terrorshylarymen teńestirip qoıǵanyna kelispeıdi. Al, lańkester bolsa onyń basy úshin 1 mıllıon dollar taǵaıyndaǵan.

Burynǵy stýdent qazir jasyrynyp, óz ómiri úshin qaýip ústinde júr. Ol ár úsh kún saıyn oryn aýystyryp, qashýmen keledi.