Qazaqstan Respýblıkasynyń
Prezıdenti N.Á.Nazarbaevqa.
Qurmetti Nursultan Ábishuly!
QR Konstıtýsıasynyń 26-babyna ózgertý engizýge baılanysty jeltoqsandyqtar óziniń alańdaýshylyǵyn bildiredi. Óıtkeni, Senat spıkeri Qasymjomart Toqaevtyń myna sózi BİZDİ túsinbestikke alyp keldi.
Q.Toqaev: «...V predlojennyh Glavoı gosýdarstva popravkah k Konstıtýsıı soderjıtsá eshe odno prınsıpıalnoe novovvedenıe: pravo chastnoı sobstvennostı na lúboe zakonno prıobretennoe ımýshestvo predlagaetsá rasprostranıt na kajdogo cheloveka, nahodáshegosá na terrıtorıı nasheı respýblıkı, nezavısımo ot togo, k grajdanstvý kakoı strany on prınadlejıt ılı je ıavláetsá lısom bez grajdanstva. Dannoe polojenıe - eto rezýltat polojıtelnoı evolúsıı nashego obshestva, kotoroe prıznaet svoıý prınadlejnostk globalnomý soobshestvý sıvılızovannyh stran».
Ekonomıkalyq jaǵynan qaraǵanda bári durys sıaqty. Biraq, onyń saıası jaǵyn - Qazaqstannyń alyp eki ımperıanyń ortasynda otyrǵanyn, Senat spıkeri umytyp ketken sıaqty.
Kezinde, otyryqshyldyqty, al ekinshileri kóshpendilikti jaqtap Alash qaıratkerleri ekige bólingen. Onyń Bókeıhanov bastaǵan jaǵy: otyryqshylyq durys - órkenıet, biraq, ondaǵy jer berý normasy qazaqty jerden aıyryp tynady dep ázirshe kóshpendi bola turýymyzdy quptap, elge durys jol siltegen edi. Ol HH ǵasyrdyń basynda óz nátıjesin bergen de bolatyn. Biraq, bólshevıkter muny qastandyqpen buzyp, jarty halqymyzdy qyrǵany óz aldyna, ońtústik pen soltústik aımaqta qazaqty qunarly jerlerden aıyryp tyndy. Osynyń zardabyn áli kórýdemiz...
Bizdińshe jerdi ashyq saýdaǵa salý (26 bap) áli erte. Azamattyq qoǵam áli jetilip, tolysyp úlgergen joq. Eń aldymen, bılik basynda otyrǵan Q.Toqaev bastaǵan azamattar túsinbeıtin sıaqty...
Osy jerde Alash azamattarynyń myna sózderin Ózińizdiń esińizge sala ketkimiz kelip otyr.
«Alashqa aty shyqqan adamdar! Kósemdikterińdi adaspaı túzý isteńder! Sender adassańdar - arttaryńnan alash adasady; arttaryńnan ergenderdiń obal-saýabyna sizder qalasyzdar» (Ahmet Baıtursynuly).
«Ár urpaq ózine artylǵan júkti jeter jerine aparyp tastaǵany durys, áıtpegende bolashaq urpaǵymyzǵa asa kóp júk qaldyryp ketemiz. Keıingi urpaq ne alǵys, ne qarǵys beretin aldymyzda zor sharttar bar» (Álıhan Bókeıhanov).
Qurmetti Elbasy!
«1986 jylǵy Jeltoqsan oqıǵalary qazaq jastarynyń sana-seziminiń qanshalyqty óskendigin kórsetti. Olar júz jylǵa jýyq ýaqyt boıy halyqty kazarmalyq tártipte ustap kelgen totalıtarlyq júıeniń aldynda birinshi bolyp, aıyldaryn jıǵan joq. Jastar budan ári kez-kelgen ultqa tán maqtanysh sezimin qorlaýǵa jol bermeıtinin óz halqynyń atynan ashyq málimdedi», - dep Ózińiz baǵa bergen jeltoqsandyqtar.
«Jeltoqsan»
Respýblıkalyq-otanshyldyq
qozǵalysynyń tóraǵasy: K.Otarbaev.
