Qazaqtardyń arasynan tuńǵysh ret ataǵy álemge jaıylǵan Djekı Chanmen júzdesip, dıdarlasý baqytyna ıe bolyp úlgergen Dımash Qudaıbergenov deseńiz qatelesesiz! Djekımen sýretke túspek túgili ıyq tiresken dostarynyń biri bolǵan qazaq ol - sýretshi Bekseıit Túlkıev bolatyn. Ol tek sýretshi ǵana emes, ataqty sportshy da boldy: karate, ý-shý, taekvondo sheberi, osy sport túriniń Qazaqstandaǵy federasıasynyń tuńǵysh prezıdenti ári qara belbeý (5-dan) ıesi ekenin kóp jastarymyzdyń bile bermesi anyq!
Bekseıit ómirden ótkende, bar-joǵy qyryq úsh jasta bolatyn.
Qazaqtyń has batyry Mustafa Óztúrik pen Djekı Chan jan dostary boldy. Óner men sportty teńdeı ustady. Birde Asqar Súleımenov ómiriniń sońynda «Parasat» jýrnalynda jumys istep júrgen kezi, kók bazardyń janyndaǵy baspasóz úıiniń baspaldaǵynan tómen túsip kele jatady. Ulty slaván qos buzaqy jigit, adam qarasy joqtyǵyn paıdalanyp, Asekeńniń ústindegi kýrtkasyna qyzyqsa kerek, dereý sheship almaq bolady. Asekeń ańtarylyp turǵanda, Qudaı jarylqap, Bekseıit joǵary kóterilip kele jatady. Birdeńeni ishi seze qoıǵan Bekseıit:
- Aseke, mynalaryń kim? - deıdi ǵoı. Asekeń aıtyp úlgermeı jatyp, qos jigittiń jerde jaırap jatqanyn bir-aq kóredi. «Oıpyrmaı, Bekseıittiń jyldamyn-aı!» - dep, Asqar Súleımenov jyrdaı etip aıtyp júrdi deıdi!
