Jemqorlyqqa qarsy qyzmet qyzmetkerlerine qatysty korrýpsıalyq qylmystyq isterdi júrgizý quqyǵy Ulttyq qaýipsizdik komıtetine berilmek. Bul týraly Parlament Májilisine «QR-dyń birqatar zańnamalaryna quqyqqorǵaý júıesin jetildirý máseleleri boıynsha ózgerister men tolyqtyrýlar engizý týraly» zań jobasyn tanystyrǵan respýblıka Bas prokýrorynyń orynbasary Iogan Merkel habarlady.
Sondaı-aq, Qazaqstanda bultartpaý sharasyn tańdaý kezinde tergeý sýdıasynyń ókilettigin keńeıtý josparlanyp otyr.
«Zań jobasy úsh kodekske ózgerister engizedi, ıaǵnı Qylmystyq, Qylmystyq-prosestik jáne Ákimshilik quqyq buzýshylyq týraly kodekster men birqatar zańdardy qamtıdy. Qujattyń negizgi baǵyttaryna toqtalatyn bolsaq, tergeý sýdıasynyń kúzetpen ustaýǵa sanksıa berý kezindegi ókilettigi keńeıtilip otyr. Qoldanystaǵy normalar boıynsha tergeý sýdıasy adamdarǵa bultartpaý sharasyn qoldanýdyń maqsattylyǵyn tek zertteýmen aınalysatyn. Endi oǵan kúdikti bir mezgilde tekserý men negizdiligin qaraýǵa mindetteý usynylady, ıaǵnı negizgi kúdikti qarastyrýdaǵy aıǵaqtardyń dáleldigin qadaǵalaý eskerilgen. Bul túzetý prosestiń osy kezeńinde azamattar úshin kepildik berýdi aıtarlyqtaı kúsheıtedi»,-dedi Merkel.
Onyń sózine qaraǵanda, sonymen qatar zań jobasynda jeńildetilgen bultartpaý sharalaryn taǵaıyndaýda tergeý sýdıasynyń quqyqtaryn keńeıtý usynylyp otyr. Bul turǵyda eshqaıda ketpeý týraly tilhat, jeke kepilgerlik jáne basqa da sharalar qamtylǵan.
