Atyraýda «qoqysty tastap, úıińe ystyq nan jetkizý» atty sóılemmen erekshe habarlandyrýlar jarıalandy, dep habarlaıdy «Moı gorod» portalynyń tilshisi. Bundaı kásip túrin ashý jergilikti kásipkerdiń oıyna kelgen. Osymen ekinshi kún «Serik» JK qyzmetkerleri qoqys tastap, úıge ystyq nandy tasý úshin tapsyrystar qabyldaýda.
Jas kompanıada ázirge úsh qyzmetker jumys atqarýda – bastyǵy jáne kámelet jasqa tolmaǵan eki kómekshisi. Qyzmet kórsetý quny – 100 teńge.
- Mende ázirge eki jigit jumys atqarady, ekeýiniń de jeke kýálikteri bar. Olar jumys izdep, maǵan ózderi keldi. Jazǵy demalys kezinde men olardy ýaqytsha ornalastyrǵan edim, biraq tabys qashan da kerek bolǵandyqtan, jigitter menimen jumys isteýdi jalǵastyrýdy qalady, - dep óz pikirimen bólisti Serik esimdi kásipker.
Óziniń jas kásibi úshin kásipker qala ortalyǵynan jeke keńse jaldaǵan, qońyraýlarǵa da ózi jaýap beredi. Jeke kásiptiń ashylyp, jumysqa kiriskeni jaıynda qala turǵyndary eki kún ishinde bilgen. Alaıda, tapsyrystar ázirge «Rahat» aýdany boıynsha ǵana qabyldanýda.
- Men taǵy da eki qyzmetker alýdy oılap júrmin, biraq qalany birden túgeldeı qamtý múmkin emes. Bizge tapsyrysqa ishetin sý da qosýdy suraıdy. Kóbinese, zeınetkerler men jumysshylar, tipti, qarapaıym nársege ýaqyt tappaıtyn adamdardyń ózderi habarlasyp jatady. Men kásipti keńeıtýdi oılaıtyn bolam, - deıdi kásipker.
Zań máseleleri Serikti ázirge mazalaǵan joq. Jigit kámelettik jasqa tolmaǵandardy jumysqa ornalastyryp, óziniń qaıyrymdy ispen aınalysyp júrgenine senimdi. Onyń qol astynda kópbalaly, ári jaǵdaıy tómen otbasynan shyqqan balalar. Jigitterdiń tabysy otbasyna kómektesýge jetkilikti.
- Eger tekseris kelip jatsa, olar maǵan aldymen eskertý aıtady. Al men olardan zańǵa qarsy kelmeıtindeı kásipti qalaı bastaýǵa bolatynyn suraıtyn bolamyn. Sebebi, men kásipti óz qara basym úshin emes, jigitterge tabys tabýǵa kómektesý úshin bastadym, - deıdi kásipker.
QR Eńbek kodeksiniń 30 babyna sáıkes 16 jasqa tolǵan azamattarmen eńbek kelisimine otyrýǵa bolatyny aıtylǵan. Biraq ata-analarynyń kelisimimen 14 jastaǵy jasóspirimder de sabaqtan bos ýaqyttarynda jumys isteı alady.
