QR Prezıdenti Nursultan Nazarbaev Konstıtýsıanyń 26-babyn keıinge shegere turý qajet dep sanaıdy, dep habarlaıdy QazAqparat.

Memleket basshysy Konstıtýsıanyń 26-babyn ózgerissiz qaldyrýdy usynǵanyn taǵy bir márte eske salyp: «Negizi, «Qazaqstan azamattarynyń» ornyna «árkim» degen ózgeristi engizýdi zańgerler qaýymy tolyǵymen qoldady. Sebebi sonyń arqasynda elimizge ınvestısıany kóbirek tartýǵa múmkindik bar. Investorlardyń senimi de arta túsedi. Degenmen, asyǵystyq jasamaı-aq qoıalyq. Bizge konsensýs kerek. Osyny keńinen túsindirý qajet. Báribir biz oǵan kelemiz. Jer máselesinde de ondaı bolady. Óıtkeni ıesiz jer tozady. Onyń qunarlyǵy joǵalady. Sondyqtan kúnderdiń kúninde ony túsinimýimiz kerek. «Iesi joq jer jetim» degen qazaqtyń sózi bar. Talaı ret kórgenbiz, qýraı ósip, jerdiń tozyp ketkenin. Bul bapty keıinge shegere turaıyq»,-dedi Nursultan Nazarbaev Parlament palatalarynyń birlesken otyrysynda.

Prezıdent zańdy jolmen ıelengen kez kelgen jeke menshiktiń Konstıtýsıamen qorǵalatynyna basa nazar aýdardy.

Esterińizge sala keteıik, 1 naýryz kúni Memlekettik bılik tarmaqtary arasynda ókilettikterdi qaıta bólý máseleleri jónindegi jumys tobynyń otyrysynda Qazaqstan Respýblıkasy Konstıtýsıasynyń qoldanystaǵy redaksıasynda menshik quqyǵyna qatysty 26-bapqa usynylǵan túzetýler talqylandy. Jumys toby músheleri atalǵan normaǵa usynylǵan ózgeristerge qatysty halyqtan túrli usynys túskeni týraly aıtty. Nursultan Nazarbaev Qazaqstan azamattarynyń pikirin eskerip, 26-bapqa ózgeris engizbeýdi usyndy.