Aqtóbede kórshisiniń 2 jasar balasyn zorlap tastaǵan er adam 18 jylǵa bas bostandyǵynan aıyryldy. Alpamsadaı azamattyń kishkentaı sábıge jasaǵan qıanatynyń qalaı bolǵanyn sot qyzmetkerleri baıandap berdi dep habarlaıdy óńirdegi NUR.KZ portaly

«Araqqa sylqıa toıyp alǵan K. esimdi turǵyn tús kezde kórshisiniń úıine barǵan. Úıdi torýyldap júrip, terezeden oınap otyrǵan 2 jastaǵy Serikti kórgen. Ol kórshisiniń balasynyń jalǵyz oınap otyrǵanyn kórip, oıy basqa jaqqa ketedi. Sottalýshy aldymen úıdiń ishin aralap, úıde eshkimniń joqtyǵyna kóz jetkizgen. Ol úıge erkin kirip, esikti ishten bekitip balany zorlaıdy», - deıdi Aqtóbe oblysynyń qylmystyq ister jónindegi mamandandyrylǵan aýdanaralyq sotynyń bas mamany Anar Qohanova.

Shyryldap jylaǵan sábıdiń daýysy dalaǵa deıin jetken. Balasynyń daýysyn estı sala anasy úıge júgire jetkenimen esikti asha almaıdy. Jan ushyryp, balasy jylap otyrǵan bólmeniń terezesine keledi. Anasy sol sátte ishte bolyp jatqan adam shoshyrlyq jaǵdaıdyń kýási bolǵan.

«Anasy alǵashynda abdyryp qalǵan. Dereý joldasyna habar beredi. Bar kúshimen terezeni qaǵyp «esikti ash» dep aıqaıǵa basqan. Sol kezde kórshisi qolyna ustap turǵan balany eńkeıip jerge qoıyp, túsip turǵan trıkosyn qolymen qóterip, esikti ashqan. Seriktiń anasy bolǵan oqıǵany ishki ister qyzmetkerlerine habarlap, K. esimdi azamat tutqyndaldy»,- deıdi bas maman.