Stýdentter, reporterler, dıplomattar, eki el ókilderi sot zalynda tarıhı sátke kýá bolý úshin Gaagadaǵy Álem saraıyna jınaldy dep habarlaıdy «Qamshy portaly» bbc.com-ǵa silteme jasap. BUU-nyń Halyqaraly soty terorızmdi qoldaǵany úshin Reseı memleketin kinálaý prosesin júzege asyrmaq.

"Búgin men álemdik sottyń aldynda turyp kómek suraýǵa májbúrmin"-deıdi ýkraına delegasıasynyń jetekshisi, Ýkraına syrtqy ister mınıstrliginiń tóraǵasy Elena Zerkal.

Onyń aıtýynsha Reseı terorızmdi qoldaýdy doǵarmaǵan.  Ýkraına óz kezeginde Halyqaralyq sotty Ýkraınaǵa kómek kórsetýge, jaǵdaı ýshyǵyp ketpes úshin tez arada ýaqytsha áreketter ornatýǵa járdem etýge sendirdi.

"Qaqtyǵys barysynda 10 myńǵa jýyq adamynan aıyrylǵan Ýkraına Reseıdiń halyqaralyq konvensıada kelgen kelisimin buzyp otyr"- deıdi ol.  Zerkaldiń aıtýynsha Halyqaralyq sottyń zańdyq negizde aralasýy etnıkalyq ýkraınderdiń  mádenı murasyn saqtaý úshin qajet.

Máskeý óz tarapynan Ýkraına shyǵysyndaǵy qaqtyǵystarǵa óziniń qatysy joq ekenin aıtyp aqtalýda.

Osy sotta Reseı ókilderi ózderiniń sot prosesin óz qatysýymen erekeshelendirip otyr desek bolady, sebebi osynyń aldyndaǵy sottardy múldem jaýapsyz qaldyryp otyrǵan kórinedi.

Bul sot prosesi uzaqqa sozylýy múmkin. Ýkraına eki el arasyndaǵy dıplomatıalyq kelisimder endi múldem qısynsyz, tez arada áreket etý kerek deı otyra sotty sheshim qabyldatýǵa áser etti.

    Alaıda, Halyqaralyq sot óz kezeginde sheshim qabyldaǵannyń ózinde ony iske asyrý máseleleri qıyndyq týǵyzýy múmkin deıdi.