Túrkıa Sırıanyń soltústik bóliginde jańa iri áskerı operasıa ótkize alady. Tipti kúrdterdiń ornalasyp alýyn tejeý maqsatynda ózderiniń baqylaý aımaǵyna Manbıdj jáne Rakka qalalaryn da qosyp almaq. Bul týraly «Izvestıa» basylymyna Túrkıa prezıdenti Rejep Taıyp Erdoǵan habarlady, dep jazady Qamshy aqparattyq agenttigi.

Onyń aıtýynsha, Sırıanyń soltústik aımaǵyna kúrdterdiń memleket qurýyna Ankara jol bermek emes, qaýip tóne qalsa, iri kólemdegi áskerı operasıany ótkizýge daıyn.

«Búginde Sırıada keleńsiz proses oryn alǵan. Eger bul proses barysy bizdiń shekaraǵa qaýip tóndirse, biz «Evfrat qalqany» operasıasy sekildi jolǵa kóshemiz», - dep málimdedi túrik basyshysy.

Sondaı-aq, Erdoǵan Ankaramen strategıalyq seriktestik ornatqan memleketterdiń kúrdterdiń «Demokartıalyq odaq partıasy» uıymy jáne «Halyqty qorǵaý» áskerı qanatynda «terrorıstermen birigip jumys atqaratynyna» qapaly.

Áńgime sırıalyq kúrdetrden turatyn áskerı topty DAISH-qa qarsy qoldanbaq nıettegi AQSH jaıynda bolyp otyr.

Erdoǵannyń sheshimine Reseı men AQSH alańdap qaldy. Máskeý Túrkıa men kúrdter arasyndaǵy úlken soǵysqa jol bermeýdi qadaǵalaıtyndaryn málimdedi. 

Sholýshy: Gúlim Jaqan