QR syrtqy ister mınıstri Qaırat Ábdirahmanov Sırıadaǵy jaǵdaıdy retteýge qatysty kelissózderge qatysatyn delegasıalardyń Astanaǵa kelgenin aıtty, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Mınıstr BAQ ókilderine aldaǵy ýaqytta úkimet pen Sırıa Arab Respýblıkasy qarýly opozısıasynyń ókilderi kelissózder júrgizetinin aıtty. Qazirgi ýaqytta delegasıalar ekijaqty tártipte kelissózder júrgizip jatyr. 5 shildede kelissózder jalǵasyp, kún tártibindegi máselelerge qatysty qorytyndy sheshimder shyǵarylady.
"Bastapqyda tórt deeskalasıa aýmaǵyn qurý týraly memorandýmdy qalaı júzege asyratynymyz jaıly talqylaý kerek. Bul memorandýmǵa Reseı, Túrik Respýblıkasy, Iran sıaqty garant elder qol qoıǵan bolatyn. Bul memorandýmdy júzege asyrýdaǵy basty másele osy aýmaqtyń shekaralaryn anyqtaý, sondaı-aq, ol aýmaqtardyń qalaı baqylanatynyn sheshý. Sondaı-aq, memorandýmda shekara mańynda baqylaý-ótkizý pýnkteri bolatyny kórsetilgen", - dedi mınıstr jýrnalıserge.
Qaırat Ábdirahmanovtyń aıtýynsha, Astana prosesi barysynda garant elder Sırıa Arab Respýblıkasynyń aýmaǵyn mınasyzdandyrý máselesin talqylaıdy.
Sonymen qatar, mınıstr Astanadaǵy kelissózderde qarýly opozısıanyń ókili kim bolatynyn jáne ol Qazaqstan astanasyna keldi me, joq pa degen suraqqa jaýap berdi.
"(...) Astanadaǵy alańǵa Sırıa qarýly opozısıasynyń 9 ókili keldi. Olar qazirgi ýaqytta elordada", - dedi QR Syrtqy ister mınıstri.
Aıta keteıik, Sırıadaǵy jaǵdaıdy retteýge qatysty kelissózderdiń tórt raýndy ótken edi: 23-24 qańtarda, 15-16 aqpanda, 14-15 naýryzda jáne 3-4 mamyrda.
Eske sala keteıik, 23 qańtarda Astanada Sırıadaǵy jaǵdaıdy retteýge qatysty kelissózder bastalǵan bolatyn. Kelissózder elordadaǵy Rixos President Astana meımanhanasynda jabyq tártipte ótip jatyr. Sondaı-aq, osyǵan deıin Memleket basshysy Nursultan Nazarbaev Sırıa máselesi búginde Taıaý Shyǵysty ǵana emes, búkil álemdik qaýymdastyqty alańdatyp otyrǵanyn atap ótken edi.
