2017 jyldyń 10-18 shildesi aralyǵynda shańǵy jarysymen aınalysatyn 12-16 jastaǵy 60 bala «Alataý» shańǵy-bıatlondyq kesheninde ornalasqan jazǵy sporttyq-saýyqtyrý lagerine barmaq dep habarlaıdy Qamshy aqparattyq agenttigi.
Atalǵan lager İle Alataýy jotasynyń betkeıinen 1500 metr bıiktiktegi biregeı jerde, Talǵar qalasynda oryn tepken. Jas sportshylar elimizdiń ataqty shańǵyshylarynyń sheberlik sabaǵyna qatysyp, sporttyq daǵdylaryn jetildirmek.
Balalarǵa arnalǵan jazǵy lagerdiń uıymdastyrýshysy «Qazaqstan Respýblıkasy Shańǵy jarysynyń ulttyq federasıasy» QB kelýshi qonaqtaryna arnap qyzyqty ári tartymdy baǵdarlama ázirledi.
Lagerdiń sporttyq baǵdarlamasy túrli jattyǵýlar, tımbıldıngter, júzý, voleıbol men ústel tenısinen dostyq jarystardy jáne shańǵy rollerlerindegi komandalyq saıystardy qamtyǵan.
Sporttyq sharalardan ózge balalar atpen serýendeý múmkindigine ıe bolyp, Vladımır Smırnov pen Anatolıı Býkreev syndy qazaqstandyq tanymal shańǵyshylar týraly fılmderdi tamashalaı alady. Sondaı-aq, mádenı baǵdarlamada konsertter men bı keshterin ótkizý qaralǵan.
