Kólik júrgizýshileriniń arasynda tájirıbe júrgizildi. Oǵan 20-30 jas aralyǵyndaǵy onshaqty adam qatysty. Tájirıbege qatysýshylarǵa birneshe suraq qoıyldy. "Kólik júrgizip kele jatqanda telefondy qoldanasyz ba?" degen suraqqa barlyǵy biraýyzdan "ıá" dep jaýap berdi. Telefonnan ne qaraıtynyn suraǵanda birqatar áleýmettik jelini qoldanatynyn, hat jazyp, telefonmen sóılesetinin aıtqan. Osy kezde tájirıbe júrgizilip jatqan bólmege kólik apatynyn saldarynan múgedek bolyp qalǵan qyz kirip keledi. Ol kólik júrgizýshilerine rúlde otyryp telefon paıdalanǵan adamnyń kesirinen ata-anasynan aıyrylyp, ózi múgedek bolyp qalǵanyn aıtady. 

Muny estigende kólik júrgizip kele jatyp telefondy paıdalanatyndar eriksiz kózine jas alyp, ekinshi márte óziniń de, ózgeniń de ómiri men denaýlyǵyna qaýip tóndirmeıtinine ýáde beredi. 

Sholýshy: Ásem Álmuhanbet