Bell Soransen Ganness – 40-tan astam adamnyń ólimine sebepshi bolǵan qandy qol qylmysker áıel. Onyń qurbandarynyń arasynda óziniń týǵan balalary da bolǵan, sonymen qatar kúıeýleri men kóńil bildirgen er adamdar, dep jazady Qamshy aqparattyq agenttigi sheteldik BAQ-qa silteme jasap.
Mundaı jantúrshigerlik qylmystardy ol áıel 1881 jyly Amerıkaǵa barǵannan keıin bastaǵan. Norvegıalyq qyz qajetti qarajatty jınap, shetelde ketýi úshin fermada aýyr jumystar atqarýyna týra kelgen. Ózine kerek qarajatyn jınap bolǵannan keıin úıin tastap, AQSH-qa kóship ketken. Bul elge kelgennen soń esimin Brýngıl Poldsdotterden Bell degen atqa aýystyrady. Keıinnen sol elde júrip óziniń bolashaq kúıeýi Meds Sorensti kezdestiredi.
Bell qandaı oımen kúıeýin óltirýge barǵandyǵy belgisiz. Alaıda birneshe ýaqyttan keıin ekeýiniń kondıterlik mekemeleri órtenip, saqtandyrý kompanıasy olarǵa qomaqty qarjy tóleıdi. Bul oqıǵadan keıin Bell óte qaýipti bıznesti oılaıdy. Sorensterdiń 4 balasy bolǵan. Solardyń bireýin Bell saqtandyryp qoıýǵa bel býady. Dál sol saqtandyrǵan balalary belgisiz qaza taba bastaıdy. Alaıda barlyǵynyń óliminiń sebebi bir – ýlanǵan. Sol ýaqytta balalary qaza tapqan ata-analar saqtandyrý kompanıalarynan aqsha ala bastaǵan.
Birneshe jyl ótkennen soń onyń kúıeýi qaza tabady. Bir qyzyǵy, kóz jumardan bir aı buryn ol óziniń ómirin saqtandyryp qoıǵan bolatyn. Muny da sáıkestik dep ataýǵa bolady ma? Dárigerler ony júrek talmasynan kóz jumdy dep málimdegen. Al basqa dárigerdiń aıtýynsha, ol áıeldiń kúıeýi strıhnın atty zattan ýlanyp ólgen. Alaıda, Bell jurttyń bárin óziniń sózine sendirip, máıitti kórsetýden bas tartqan. Keıinnen saqtandyrý kompanıasy oǵan 8 000 AQSH dollary kóleminde qarjy tólegen. Jınaǵan aqshalaryn jáne qalǵan balalaryn alyp jesir áıel basqa shtatqa kóship baryp, sol jaqtan jańa ferma ashyp alady. Alaıda saqtandyrý isine qatysty onyń alaıaqtyǵy tolastaǵan emes, birneshe ýaqyt ótkennen keıin ol saqtandyryp qoıǵan qaıyq órtenip ketken.
1902 jyly Bell ekinshi ret turmys qurady. Toıdan keıin 12 kún ótken soń kúıeýiniń kishi qyzy qatys bolyp, 6 aı ótken soń Peterdiń ózi kóz jumady. Sol ýaqytta Bell aıaǵy aýyr bola tury qaltaly azamattarmen tanysa bastaǵan. Jesir áıelge kóńil bildirýshiler kóp bolǵan, alaıda onyń mańyna jolaǵan adam tiri kúıinde qaıtyp kelmeıtin.
Ferma kúzetshileriniń biri Reı Lamfer jesir áıelge essiz ǵashyq bolǵany sonshalyq, onyń qıturqy josparlaryna kómektesýge ýáde bergen. Alaıda biraz ýaqyttan keıin áıel ol kúzetshini de orǵa jyǵady.
Ferma órtenerden birneshe kún buryn Bell polısıa bólimine kelip Lafmerdiń ózine qoqan-loqqy jasap jatqandyǵyn aıtyp shaǵymdanǵan. Túnde bolǵan órtten keıin 4 adamnyń máıiti tabylǵan: onyń úsheýi kishkentaı balalardiki bolsa, bireýi bassyz jatqan áıeldiń máıiti. Ekspertıza nátıjesi boıynsha, kishkentaı balalar órt shyqqanǵa deıin óltirilgen bolsa, bassyz áıel Belldiń fermasynda jumys istegen ekonomıs qyzdyń denesi bolyp shyqqan. Al jesir áıeldiń ózi iz-tússiz joǵalyp, qashyp ketken.
1931 jyly ol áıeldi Mıssısıpıdan kórgen degen qaýeset taraǵan bolatyn. Al resmı derekterde Bell Sorensen Ganness 1908 jyly órt kezinde qaza tapty dep kórsetilgen.
Aýdarǵan: Nazerke Labıhan
