11 shildede «Atameken» Ulttyq kásipkerler palatasynda «Qazaqstan men Ózbekstandaǵy turǵyn úı basqarmasy» taqyrybynda halyqaralyq konferensıa ótti. Jıynǵa nemis qaýymdastyǵy men bıznesiniń ókilderi, Ózbekstannan kelgen teń quqyly seriktester, memlekettik organdar, Páter ıeleri kooperatıvteriniń ókilderi, Qazaqstannyń 14 óńirinen kóterilip otyrǵan máselege qyzyǵýshylyq tanytqan basqarýshy jáne servıstik kompanıalar qatysty.

Atalǵan konferensıa Ulttyq palata men nemis, ózbek seriktesteriniń úshjyldyq yntymaqtastyǵynyń bastapqy is-sharasyna aınaldy.

Eske salsaq, «Atameken» UKP 2017 jyldyń 31 mamyrynda  IWO-Bastamasymen «Shyǵys Eýropadaǵy turǵyn úı sharýashylyǵy» týraly Kelisimge qol qoıǵan edi. Bul kelisim týraly Ulttyq palatanyń IV Sezinde aıtyldy. Jobany Eýroodaq qarjylandyrady.

«Búginde turǵyn úı komýnaldyq sharýashylyǵy salasyna qoǵam qaıratkerleri, QR parlamentiniń depýtattary ǵana emes, Memleket basshysy nazar aýdaryp otyr. Bul sala reformalaýdyń kelesi kezeńi aıasynda memlekettik retteý qaǵıdattaryn jetildirý nysanyna aınalyp otyr», – dep sóz bastady «Atameken» QR UKP Basqarma Tóraǵasynyń orynbasary Eldos Ramazanov.

«Turǵyn úı qatynastary týraly» zańnyń qabyldanǵanyna 10 jyl toldy jáne turǵyn úı qoryn basqarý qaǵıdalary túbegeıli ózgermedi. 1197 jyldan beri turǵyn úı qoryn basqarý menshik ıesiniń qolyna ótti. Qazirgi jaǵdaı olarǵa bilikti uıymdastyrýshylardyń kásibı tájirıbesi kerek ekenin anyq kórsetedi.

«Búginde Qazaqstanda 78 myń turǵyn úı sanynda tirkelgen shamamen 35 myń kondomınıým bar. Nátıjesinde Páter ıeleri kooperatıvine 6 turǵyn úıden keledi degen sóz. Málimetterge súıensek, 2016 jyly memlekettik organdarǵa PIK qyzmetine 5 myń shaǵym túsken. Bul máseleniń qordalanǵanyn kórsetedi», – dep atap ótti Basqarma Tóraǵasynyń orynbasary.

Qazaqstanda kóppáterli turǵyn úı sany – 78371, olardyń ishinde – 20 437 (26%) apattyq jaǵdaıda tur.

Bul máseleni Ulttyq kásipkerler palatasy da nazardan tys qaldyrmady. Turǵyn úı-kommýnaldyq sharýashylyǵy júıesin sapaly modernızasıalaý kerek. Bıznestiń máselesin sheshýge, shoǵyrlandyrý, nyǵaıtý úshin jáne qyzmet úshin negizdi qalyptastyrýǵa arnaıy qurylǵan «Atameken» osy baǵyttaǵy jumysty qarqyndy júzege asyrýdy qolǵa aldy.

Joba boıynsha eń aldymen áleýetti qatysýshylar tobyn, zańnamalyq jetildirilmegendikti, basqarýshy kompanıa men PIK-tiń múmkindikterin jáne áleýetin zertteý josparlanǵan.

Jobanyń tolyq merzimi ishinde Ulttyq palata bızneske jyljymaıtyn múlikti basqarýdy durys ári joǵary deńgeıde basqarýǵa kómektesý úshin birneshe semınar uıymdastyrýda josparǵa engizdi.

Konferensıa aıasynda nemis seriktester óz baıandamalarynda Germanıada turǵyn úıdi basqarý júıesindegi erekshelikter týraly, turǵyn úı basqarýyndaǵy bıznes-deldaldyq uıymdardyń qyzmeti qandaı qaǵıdalar negizinde qurylǵany týraly habarlady.

«Qazaqstanda jumys istegenimizge 10 jyldan asty. Biz Ulttyq palatadaı senimdi seriktes taptyq, osy arqyly tájirıbe almasyp, birlesken jobalardy qolǵa aldyq. Turǵyn úı qoryn damytý – mańyzdy baǵyttardyń biri. Sondyqtan oryn alǵan máseleni sheshýge árdaıym daıynbyz», – dedi Germanıadaǵy IWO kompanıasynyń dırektory Knýt Heller.

Al Ózbekstandaǵy turǵyn úı qoryna qyzmet kórsetetin kásibı basqarýshy uıymdar qaýymdastyǵynyń atqarýshy dırektory Bashorat Djýmaeva óz elderindegi basqarý júıesi týraly baıandady.

IWO jobasynyń úılestirýshisi Iohann Shtreze joba aıasynda Germanıada tájirıbe almasý qarastyrylǵany josparda bar ekenin atap ótti.

«Biz turǵyn úıdi úzdik basqarý tájirıbesine baıqaý jarıalaımyz. Oǵan osy saladaǵy kóptegen qatysýshylar shaqyrylmaq. Olardyń ishinde jeke kompanıalarda, PIK ókilderi de bolady. Baıqaý jeńimpazdary Germanıada bilim alý múmkindige ıe bolyp, turǵyn úı basqarýdaǵy nemis tájirıbesin ıgeredi», – dep habarlady Iohann Shtreze.

Jıyn barysynda «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» aksıonerlik qoǵamy men «Ashyq tarıf» qazaqstandyq qaýymdastyǵynyń basshylary da óz oılaryn ortaǵa saldy.

Qazaqstan tarapynan seriktes «Atameken» bolǵany kóńil qýantady, demek, osy baǵyttaǵy kóp másele sheshimin tabady. Bul salaǵa senimdi zamanaýı kompanıalar qajet. Meniń oıymsha, Turǵyn úı-kommýnaldyq  sharýashylyǵyna eki deńgeıli júıe engizilýi  jón. Birinshiden, bir úı – bir kondomınıým – bir Páter ıeleriniń kooperatıvy. Ekinshiden, qalalyq yqsham aýdan deńgeıinde basqarýshy kompanıalardy MJÁ jobasy negizinde qurý qajet», – dep usyndy  «Ashyq tarıf» qazaqstandyq qaýymdastyq Tóralqasynyń tóraǵasy Petr Svoık. 

Jobanyń maqsaty: basqarýshy, qyzmet kórsetýshi, servıstik jáne basqa da kompanıalar mindetin jaqsartý, atalmysh uıymdardyń óz qyzmetin joǵary deńgeıde atqaratyn adal uıymdardyń mártebesin nyǵaıtý, sonymen qatar turǵyn úı-kommýnaldyq sharýashylyq salasyn damytýǵa qolaıly jaǵdaı jasaý.

 Shara sońynda UKP Basqarma Tóraǵasynyń orynbasary Eldos Ramazanov qatysýshylardyń qyzyǵýshylyq tanytqandaryna alǵys bildirip, jumys barysyna belsendi atsalysýǵa shaqyrdy.

«Birinshi kezekte naryqqa qatysyp otyrǵan taraptardy anyqtap alý mańyzdy, oryn alǵan máselelerdi de anyqtap, júıeleý qajet. Basqarýshy kompanıalar, servıstik kompanıalar, turǵyn úı-kommýnaldyq sharýashylyqtar ókilderin jobaǵa belsendi aralasyp, óz usynystaryn bildirýge, jumystyń basynan bastap máselelerdi sheshýge atsalýǵa úndeımin», – dedi Eldos Ramazanov.