Izraıl premer-mınıstri Netanáhý Sırıada bitimge kelý týraly AQSH pen Rese kelisimine qarsylyǵyn bildirdi, dep jazady Qamshy.kz aqparat agenttigi.

Sırıanyń ońtústiginde bitimge kelý týraly Reseı men AQSH-tyń kelisimine Izraıl bıligi qarsy shyqty. Jergilikti BAQ jarıalaǵan aqparatyna sáıkes, Izraıl bıliginiń teris pikiri AQSH pen Reseıdiń kelisimi Sırıa aýmaǵyndaǵy ırandyq kúshterdiń toptasýyna qarsy turý úshin arnalmaǵandyqtan týyndaǵan.

Sondaı-aq, aqparatta Izraıl Irannyń Sırıa aýmaǵyndaǵy ekspansıaǵa qatysty josparynan habardar ekeni málimdeldi. Málimdemege sáıkes, Iran Sırıada áskerı-teńiz bazasy men áýe bazasyn qurmaq.

Budan buryn Reseı men AQSH Sırıanyń ońtústiginde bitimge kelý týraly kelisimge qol qoıdy. AQSH prezıdenti Donald Tramp atalmysh kelisimdi eki el arasyndaǵy qarym-qatynastyń «mańyzy joǵary tabysty úlgisi» dep atady.

Sholýshy: Gúlim Jaqan