Túrkıa prezıdenti Redjep Taıyp Erdoǵan óziniń jaýlarynyń qatarynda dindar-oppozısıoner Fethýlla Gúlen men onyń jaqtastaryn jáne Kúrdistannyń jumysshylar partıasy bar ekenin málimdedi dep jazady Qamshy.kz aqparat agenttigi  Reuters málimetine súıenip. 

"Biz FETO-nyń (Fethýlla Gúlenniń terorıstik uıymy) artynda, Kúrdistan jumysshylar partıasynyń artynda kimderdiń turǵanyn jaqsy bilemiz. Biz aldymen nókerlerdiń kózin qurtpaı, koróldar men sheıhtardy jeńe almaımyz. Biz bul satqyndardyń basyn alamyz", - dedi Erdoǵan.

Ol sondaı-aq, elde ólim jazasyn qaıta engizýdi qos qoldap qoldaıtynyn da málimdedi. Tek, bul zańdy aldymen parlamenttegiler maquldaýy tıis.

Eske salaıyq, Túrkıada byltyr 15 shilde kúni memlekettiń áskeri tóńkeris jasamaq bolǵan edi. Alaıda, polısıa men halyq bul revolúsıany boldyrmaı, basyp-janshydy. Saldarynan, 265 adam qaza taýyp, 1,5 myńdaıy jaralandy. Al, osy jaıttan keıin Fkethýlla Gúlenge qatysy bar degen kúdikpen 6 myńnan astam ustalyp, túrmege qamaldy. 7 myń memlekettik qyzmetker jumystan qýyldy.