Memleket basshysynyń tapsyrmasymen QR Premer-Mınıstri Baqytjan Saǵyntaev jumys saparymen Soltústik Qazaqstan oblysyna bardy, dep jazady Qamshy.kz aqparat agenttigi. Onda «Qazaqstannyń úshinshi jańǵyrýy: jahandyq básekege qabilettilik» Joldaýy men «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdiń oryndalý barysymen tanysady. Bul týraly QR Premer-mınıstrliginiń baspasóz qyzmeti habarlady.
Jumys sapary kezinde Baqytjan Saǵyntaev «Nurly jer» baǵdarlamasy aıasyndaǵy turǵyn úı qurylysynyń barysymen, Petropavldyń «Nurly jol» baǵdarlamasy aıasyndaǵy áleýmettik jáne ınfraqurylymdyq nysandarymen tanysady dep kózdelgen. Óńirdiń ónerkásip kásiporyndary men medısına mekemelerin, aýyl sharýashylyǵy keshenderin aralaý josparda bar.
QR Premer-Mınıstri Baqytjan Saǵyntaev AÓK damytý memlekettik baǵdarlamasyn iske asyrý boıynsha Aqmola, Soltústik Qazaqstan, Qostanaı, Qaraǵandy, Pavlodar oblystarynyń ákimdikteri men aýyl sharýashylyǵy qurylymdarynyń basshylarynyń qatysýymen respýblıkalyq keńes ótkizedi dep kútilýde.
«Atameken» UKP óńirlik keńesiniń múshelerimen kezdesýde shaǵyn jáne orta bıznesti damytý, kásipkerlik ortasyn qaıta retteý, oblysta ónimdi jumyspen qamtý jáne jappaı kásipkerlikti damytý baǵdarlamasyn iske asyrý máseleleri talqylanady.
Sondaı-aq, jumys sapary aıasynda QR Premer-Mınıstri Baqytjan Saǵyntaevtyń tóraǵalyǵymen tehnologıalyq jańǵyrtý, sıfrlandyrý jáne Indýstrıa 4.0 elementterin engizý, IIDMB-2 iske asyrý jáne ınvestısıalar tartý máselelerin talqylaý boıynsha jumys keńesin ótkizý josparlanǵan.
Birinshi kezekte Baqytjan Saǵyntaev «Petropavl» Halyqaralyq áýejaıyn jóndeý barysymen jáne onyń tranzıttik áleýetin damytý perspektıvalarymen tanysty.
Baqytjan Saǵyntaev bıyl kóktemde sý deńgeıiniń kóterilýinen zalal tartqan Zarechnyı kentinde sý tasqyndaryn eskertý men olardyń saldarlaryn joıý boıynsha kóshpeli keńes ótkizedi dep kózdelip otyr.
Oblys ákiminiń orynbasary A. Fedáev áýejaı termınalynyń ǵımaraty men ushý-qoný jolaǵynyń jóndeýden ótkenin, bul áýe kemeleriniń kez kelgen túrin qabyldaýǵa múmkindik beretinin baıandady. Budan ózge, áýejaı perronyn keńeıtý jáne kirme joldy jóndeý josparlanǵan.
Petropavl áýejaıyn jóndeý Reseı Federasıasynyń Qorǵan, Túmen jáne Omby oblystarymen shekaralas Soltústik Qazaqstan oblysynyń tranzıttik áleýetin tıimdirek paıdalanýǵa múmkindik beredi.
Áýejaı basshylyǵy turaqty jolaýshylar áýe reısteriniń sanyn arttyrý perspektıvalaryn, tranzıttik reıster men júk áýe tasymaldaryna qyzmet kórsetý múmkindigin qarastyrýda.
