Terrorıster Kambrıls qalasynda fýrgonmen jaıaý júrginshilerdi basyp ótken dep habarlaıdy Qamshy.kz aqparat agenttigi 24 Horas telearnasyna silteme jasap.
Shabýyldyń nátıjesinde eki adam aýyr jaraqattanǵan, úsh adam jeńil jaraqat alǵan.
Buǵan deıin polısıa Kambrılste terakt bolǵanyn habarlaǵan. Birneshe terrorıstiń kózi joıyldy. 24 Horas-tyń málimetinshe, terrorısterdiń tórteýi kóz jumdy, besinshisi jaraqat aldy.
Bul Ispanıada bir kúnde ekinshi ret oryn alǵan terrorlyq áreket. Buǵan deıin qalanyń ortalyǵynda shaǵyn avtobýsty tizgindegen er adam kóshedegi adamdardy qaqqany týraly habar tarady.
QR SİM ókili Anýar Jaınaqov Qazaqstandyq dıplomattardyń jaraqat alǵandardyń arasynda elimizdiń azamattary bar joǵyn anyqtap jatqanyn habarlady. Sonymen qatar, Ispanıadaǵy qazaqstandyqtardy qaýipsizdik erejelerin saqtap, qala ortalyǵyna barmaýǵa keńes berdi.
