Sputnik Qyrǵyzstan portalynyń vıdeooperatory Emıl Sadyrov Ystyqkóldegi jabaıy ańdardy ońaltý ortalyǵyndaǵy qar barystary mekendeıtin korpýsta bolyp qaıtty, dep habarlaıdy Qamshy.kz aqparat agenttigi.

Ananevo aýylyndaǵy taýda úsh qar barysy turady – Kýnak, Alsý jáne Kolúchka. Bir kezderi ańdardy qaraqshylar qoldaryna túsirip, elden asyrmaq boldy. Alaıda shekaradan ótip bara jatqan sátte arnaıy qyzmetkerlerdiń qolyna túsip, ańdar NABU ońaltý ortalyǵyna jetkizilgen.

Búginde Kýnaký men Alsý 16 jasta, al Kolúchka 9-da. Bir barys kúnine 3 keli et jeıdi. Ańdardy tamaqtandyrý úshin qyzmetkerler esek ustaıdy.

Qar barystary 10 jylǵa jýyq ómir súredi, sol sebepti Kýnaký men Alsý qartaıyp qalǵan ańdar bolyp esepteledi. 4 jyl buryn NABU ortalyǵynda 5 barys bolǵan kórinedi, alaıda onyń ekeýin Qazaqstanǵa operasıa jasatýǵa jibergen. Sóıtip eki barys Qazaqstandaǵy jergilikti zoobaqta qalady.