AQSH-qa jetken «Harvı» daýyly Tehas shtatynyń Húston qalasyndaǵy sý tasqynyna alyp keldi. Keı kóshelerdegi baǵdarshamǵa deıin sý kóterilgen. Halyq belimen sý keship júr. "Harvı" daýyly saldarynan 5 adam kóz jumǵan. 40 shaqty adam is-tússiz joǵalyp ketken. Al sınoptıkterdiń jasaǵan boljamdary da kóńil kónshitpeıdi dep jazady Qamshy.kz aqparat agenttigi ramler.ru málimetine súıenip.

Tasqyn sýdan zardap shekkenderdiń biri: "Men birinshi qabatta turamyn. Barlyq múlkim búlindi. Qolymda balalarym bar. İsherge as, kıerge kıimsiz qaldyq", – dep otyr.

Sý basqan aýdandardan adamdardy qaıyqpen tasymaldap jatyr. Alaıda polısıa qyzmetkerleri barlyq adamǵa kómektese almaıtyndaryn jetkizgen. Atalmysh qalada 2 mıllıonǵa jýyq adam turady. Olardyń barlyǵy eshqaıda shyǵa almaı otyr. Adamdarǵa shatyrlarda qorǵanýdy usynylyp otyr. Eger ómirlerine qaýip tónip turmasa, kóshege shyqpaýǵa keńes beredi.

Bul habarlandyrýdy aımaqtaǵy barlyq telearnalar úzbeı kórsetip jatyr. Alaıda Húston qalasynyń barlyq  jerinde elektr qýaty sóndirilgen. Eki Halyqaralyq áýejaı jabylyp, barlyq jerdi sý basqan.

Aıta ketsek, biraz ýaqyt buryn «Harvı» daýylynan 2 adamnyń kóz jumǵany habarlanǵan bolatyn.