Qazaqstan Respýblıkasynyń Syrtqy ister mınıstri Qaırat Ábdirahmanov pen IaSJTSHU Daıyndyq komısıasynyń Atqarýshy hatshysy Lassına Zerbonyń Birlesken málimdeme jasady, dep habarlaıdy Qamshy.kz aqparat agenttigi QR SİM baspasóz qyzmetine silteme jasap.

1. Iadrolyq synaqtarǵa qarsy halyqaralyq kúnine oraı ıadrolyq synaqtarsyz beıbitshilikke jetý úshin biz ázir ekenimizdi málimdeımiz jáne Iadrolyq synaqtarǵa jappaı tyıym salý týraly sharttyń (IaSJTSH) kúshine túpkilikti enýine ózimizdiń bel baılaǵanymyzdy rastaımyz.
2. 1991 jyldyń 29 tamyzda Semeı polıgonyn ­jabý týraly Qazaqstan Prezıdent Nursultan Nazarbaevtyń tarıhı sheshimi qýatty saıası serpin berdi jáne sońynda 1996 jyly IaSJTSH qabyldaýǵa ákelgen halyqaralyq kúsh-jıgerlerge aıryqsha úles qosty. Sharttyń qabyldanǵan sátten bastap, Qazaqstan Iadrolyq synaqtarǵa jappaı tyıym salý týraly sharttyń uıymyn (IaSJTSHU) túbegeıli qoldaıdy jáne saıyp kelgende ıadrolyq qarýdy tolyq joıýyn qoldaýǵa ázirligin pash etedi. Osyǵan oraı, 2008 jyly Semeıde ınspeksıalar boıynsha IaSJTSHU-nyń alǵashqy aýqymdy keshendi dala jattyǵýy ótkenin atap ótken jón.
3. Sharttyń XIV babynda kózdelgen prosestiń teń tóraǵasy retinde Qazaqstan Japonıamen birge IaSJTSH kúshine enýine járdemdesýdegi jahandyq kúsh jıgerlerinde jetekshi ról atqarady.
4. Qazaqstan 2017-2018 jyl BUU Qaýipsizdik Keńesiniń turaqty emes múshesi retinde ıadrolyq qarýdy taratpaý jáne qarýsyzdaný nyǵaıtýǵa baǵyttalǵan halyqaralyq kúsh-jigerdi qoldaýdy talmaı jalǵastyrýda, sondaı-aq halyqaralyq beıbitshilik pen qaýipsizdik úshin ıadrolyq qarýdyń qaýip-qaterlerin basa nazar aýdarady.
   5. Iadrolyq synaqtarǵa qarsy halyqaralyq kúninde biz qol jetkizgen jetistikterimizdi eske alýymyz kerek. IaSJTSH- niń ámbebap mártebesi bar: búgingi kúnde Shartqa 183 memleket qol qoıǵan jáne 166 memleket ratıfıkasıalaǵan. Sondaı-aq, IaSJTSH-nyń Halyqaralyq monıtorıń júıesi (IMS) aıaqtalýǵa jaqyn. Ol óziniń pármendiligin jáne tıimdiligin dáleldedi. Biz halyqaralyq qaýipsizdik pen senimdi nyǵaıtý úshin Shart monıtorıńi júıesiniń sheshýshi róline senimdimiz jáne ony ári qaraı qoldaýǵa beıildiligimizdi rastaımyz.
5. Maqtaýǵa bolatyn nársege ıe bolǵanymyzǵa qaramastan, Sharttyń ózi áli de kúshine enýi qajet. Biz barlyq qatysýshy memleketterdi ıadrolyq synaqtarǵa tyıym salý halyqaralyq quqyqta mindetti sıpat alýdyń onyń kúshine ený úshin bar kúsh-jıgerlerdi salyp kelgende shaqyramyz. Sondaı-aq, biz barlyq memleketterdi ıadrolyq synaqtarǵa moratorııdi saqtaýdy jalǵastyrýǵa shaqyramyz.
6. Biz Shartqa qol qoımaǵan jáne / nemese ratıfıkasıalamaǵan memleketterdi odan ári keshiktirýsiz júzege asyrýǵa shaqyramyz. Atap aıtqanda, biz Sharttyń kúshine enýi úshin IaSJTSH №2-qosymshadaǵy ratıfıkasıasy qajet qalǵan segiz eldi kóshbasshylyq kórsetý jáne osy mańyzdy qadamdy jasaýǵa shaqyramyz.
7. Iadrolyq qarýdyń taralýyn jáne ıadrolyq synaqtardyń qaıta bastalýy múmkindikterine baılanysty alańdaýshylyq jaǵdaıyna, Qazaqstan men IaSJTSHUbarlyq memleketterdi Iadrolyq synaqtarǵa qarsy Halyqaralyq kúnine arnalǵan is-sharalarǵa qatysýǵa, sondaı-aq Sharttyń kúshine enýi úshin barlyq múmkindikti jasaýǵa shaqyrady.
8. Ózimiz jáne bolashaq urpaq úshin biz Iadrolyq synaqtarǵa jappaı tyıym salý týraly sharttyń kidirmesten kúshine enýine qol jetkizýge mindettimiz.