Burynǵy premer-mınıstr Serik Ahmetovti bas bostandyǵynan aıyrý jazasyn bas bostandyǵyn shekteý jazasyna aýystyrady dep habarlaıdy Qamshy.kz aqparat agenttigi Today.kz-ke silteme jasap.

«21 qyrkúıekte zańdy kúshine enedi. Osydan keıin ol bostandyqqa shyǵady. Nelikten shyǵarady degenge keletin bolsaq, ol 159/18 kolonıasynda ózin jaqsy qyrynan kórsete bildi. Keltirgen shyǵyndy tolyq ótedi» dedi derek kózi Today.kz tilshisine.

Esterińizge sala keteıik, 1 sáýirde aýdandyq sot bes sheneýnikke qatysty sheshim shyǵardy. Sot jaýapqa tartylǵandardy 17 mıllıon 310 teńge kóleminde shyǵyndy óteýdi mindettedi.

2017 jyldyń 29 sáýirinde burynǵy premer-mınıstr Serik Ahmetov pen 4 sheneýnik 17 mıllıon teńge kóleminde materıaldyq shyǵyn talabyn qanaǵattandyrý sheshimi boıynsha Qaraǵandy oblystyq sotqa apelásıalyq shaǵym túsirdi.

1 shildede apelásıalyq sot alqasy sot sheshimin esh ózgerissiz qaldyrdy. Ahmetov jáne 4 sheneýnik elge 17 mıllıon teńge qaryz bolyp qaldy.