Májilistiń plenarlyq otyrysynda Palata Tóraǵasy Nurlan Nyǵmatýlın úshinshi sesıanyń ashylýynda Prezıdenttiń depýtattyq korpýsqa qoıǵan mindetterine basa nazar aýdardy dep habarlaıdy Qamshy.kz aqparat agenttigi.

Barlyq aıtylǵan mindetterdi oryndaý úshin,  sondaı-aq, Memleket basshysynyń strategıalyq kýrsyn zańnamalyq qoldaýdy qamtamasyz etýde bizge Úkimetten usynylǵan, sondaı-aq, ózimizdiń áriptes-depýtattardyń bastamasymen ázirlenetin zań jobalarymen jumysty júıeli jáne sapaly túrde jalǵastyrýymyz qajet, - dedi N. Nyǵmatýlın.

Osyǵan oraı, Palata Tóraǵasy Májiliske engizilgen «2018-2020 jyldarǵa arnalǵan respýblıkalyq búdjet týraly» jáne «Qazaqstan Respýblıkasynyń Ulttyq qorynan 2018-2020 jyldarǵa arnalǵan kepildendirilgen transfert týraly» Kedendik retteý týraly Kodeksiniń jobalaryna toqtaldy.

Kodeks jobasymen jumys istegende biz Elbasynyń basymdyǵyn basshylyqqa alýymyz kerek. Ol kedendik rásimderdi qysqartý, «bir tereze» ádisin qoldaný, elektrondyq deklarasıa júıesin damytý negizinde suralatyn qujattardyń sanyn qysqartý týraly.

Májilis Spıkeriniń aıtýynsha, jaqyn arada josparly túrde Úkimetten túsetin Salyq týraly basqa da mindetti tólemder boıynsha Kodesk jobasymen jumysta osyndaı ádisti basshylyqqa alý qajet.

Sonymen qosa, Májilis Tóraǵasy zań jobalarymen jumysta ádettegideı ashyq talqylaý alańynda ótetinine senim bildirdi.

-Bizdiń aldymyzda kólemdi zań shyǵarmashylyq jumystar tur. Ótken sesıada eńbek etken dástúrimizge sáıkes atalǵan jumystar zań jobalaryn memlekettik organdar, sarapshylyq qaýymdastyq, azamattyq qoǵam ınstıtýttarynyń ókilderin keńinen tarta otyryp, ashyq pikir-talas alańynda jáne osynyń barlyǵy buqaralyq aqparat quraldarynda belsendi túrde jarıalaýmen ótetin bolady. Qabyldanǵan zańdar barynsha básekege qabiletti, pragmatıkalyq jáne eń joǵarǵy standarttarǵa jaýap bere alatyn, ıaǵnı elimizdiń Prezıdenti Nursultan Ábishuly Nazarbaev bizden talap etetin naq osyndaı tásilderdi biz osy sesıadaǵy jumysymyzda basshylyqqa alatyn bolamyz – dedi N. Nyǵmatýlın.